ភ្នំពេញៈ ស្រ្តីម្នាក់រងការចោទប្រកាន់ដោយជាប់ពាក់ព័ន្ធទៅនឹងបន្លំឯកសារសាធារណៈ ទិញលក់ផ្ទះ ដោយហត្ថលេខា និងត្រាសុទ្ធតែក្លែងក្លាយត្រូវបានឃាត់ខ្លួនសាកសួរ និងដោះស្រាយតាមច្បាប់ កាលពីវេលាម៉ោង១១ព្រឹកថ្ងៃទី២៨ ខែកក្កដា ឆ្នាំ២០១៦ ស្ថិតនៅបុរីប៊ុនហួផ្លូវជាតិលេខ៤ ភូមិថ្នល់បំបែកសង្កាត់ចោមចៅ ខណ្ឌពោធិ៍សែនជ័យ។
ប្រភពឲ្យដឹងថា ស្រ្តីត្រូវឃាត់ខ្លួនសាកសួរតាមបណ្តឹងអាជ្ញាធរសង្កាត់ខណ្ឌ មានឈ្មោះ ជា សុម៉ាឡា ភេទស្រី អាយុ២៥ឆ្នាំ ស្នាក់នៅក្នុងបុរីខាងលើ មានទីលំនៅផ្ទះលេខ៥២ ផ្លូវលេខ៩៥២សង្កាត់បឹងកក់២ ខណ្ឌទួលគោក។
ដើមចមឈានទៅដល់ផ្ទុះរឿងឯកសារក្លែងក្លាយស្រ្តីឈ្មោះ ជា សុម៉ាឡា បានយកឯកសារប្លង់ផ្ទះ ទៅរកបញ្ចាំ ដើម្បីយកលុយជាប្រយោជន៍ផ្ទាល់ខ្លួនពីបុរសម្នាក់ឈ្មោះ បូរ ភេទប្រុស អាយុជាង៤០ឆ្នាំ តែដោយសារការពិនិត្យទៅលើឯកាសារហត្ថលេខា និងត្រាឃើញមិនប្រក្រតីសង្ស័យ កាន់យកទៅសាកសួរអាជ្ញាធរសង្កាត់ចោមចៅនៅរសៀលថ្ងៃដដែលតែត្រូវបានលោកចៅសង្កាត់បដិសេធនូវ ការចុះហត្ថលេខា និងត្រាមិនមែនភាពពិតប្រាកដលេខរៀងជាន់គ្នាទើបបង្កឲ្យភ្ញាក់ផ្អើល។
ចំណែកហត្ថលេខាអភិបាលខណ្ឌ និងត្រាមិនប្រក្រតីសុទ្ធតែក្លែងក្លាយ ហើយត្រូវបានលោក យិន គា នាយករដ្ឋបាលសាលាខណ្ឌពោធិ៍សែនជ័យចុះមកពិនិត្យផ្ទាល់ទៅលើត្រា ហត្ថលេខាសុទ្ធតែក្លែងក្លាយទាំងអស់ ទើបផ្អើលដល់ម្ចាស់ផ្ទះដើម ដែលមិនដឹងខ្លួនត្រូវបានស្រ្តីរូបនេះ ធ្វើឯកសារបន្លំ ដើម្បីយកទៅបញ្ចាំដែរនោះ ប្តឹងបដិសេធ និងម្ចាស់បុរីលោក ប៊ុន ហួរ ប្តឹងទប់ស្កាត់រាល់ឯកសារក្លែងក្លាយ មានរហូតដល់ទៅ២ច្បាប់ផ្សេងគ្នា៕
មតិយោបល់