ផ្ទះ ព័ត៌មានជាតិ ហាមមិនស្តាប់អ...

ហាមមិនស្តាប់អាជ្ញាធរចុះដកហូតអាជ្ញាប័ណ្ណអនុញ្ញាតធ្វើអាជីវកម្មភោជនីយដ្ឋានបាសាក់លេនតែម្តង

0

ភ្នំពេញ: នៅយប់ថ្ងៃទី ១៨ ខែ មករា ឆ្នាំ ២០២០ ដោយកាលពីយប់ថ្ងៃទី ១៧ ខែ មករា ឆ្នាំ ២០២០ ក្រុមការងាររដ្ឋបាលខណ្ឌចម្ការមន បានចុះធ្វើកំណត់ហេតុផ្អាកអាជីវកម្មភោជនីយដ្ឋាន បាសាក់លេន ជាស្ថាពររួចហើយ ប៉ុន្តែនៅយប់ថ្ងៃទី ១៨ ខែ មករា ឆ្នាំ ២០២០ ម្ចាស់អាជីវកម្មនៅតែបន្តធ្វើអាជីវកម្ម និងមិនបានអនុវត្តតាមការណែនាំរបស់ក្រុមការងារ ដូចនេះដោយបានការអនុញ្ញាតពីលោក ស៊ិន វិរ: ព្រះរាជអាជ្ញារងអមសាលា ដំបូងរាជធានីភ្នំពេញក្រុមការងារចម្រុះរដ្ឋបាលខណ្ឌចម្ការមន ដឹកនាំដោយ លោក អាំង សិរីពិសិដ្ឋ អភិបាលរងខណ្ឌចម្ការមន តំណាងលោក ថេង សុថុល អភិបាល នៃគណ:អភិបាលខណ្ឌចម្ការមន ដោយមានការចូលរួមពីកងរាជអាវុធហត្ថខណ្ឌចម្ការមន រដ្ឋបាលសង្កាត់ទន្លេបាសាក់ និងប៉ុស្ដិ៍នគរបាលសង្កាត់ទន្លេបាសាក់ បានចុះដកហូតអាជ្ញាប័ណ្ណអនុញ្ញាតធ្វើអាជីវកម្ម និងឧបករណ៍បំពងសម្លេងនៅភោជនីយដ្ឋាន បាសាក់លេន ដែលស្ថិតនៅផ្ទះលេខ ១៤សេ ផ្លូវលេខ ៣០៨ ភូមិ ៥ សង្កាត់ទន្លេបាសាក់ ខណ្ឌចម្ការមន រាជធានីភ្នំពេញ។
ដោយយោង៖

១/ពាក្យបណ្ដឹងរបស់បងប្អូនប្រជាពលរដ្ឋរស់នៅភូមិ ៥ ចុះថ្ងៃទី ២១ ខែ វិច្ឆិកា ឆ្នាំ ២០១៩
២/កំណត់ហេតុណែនាំរបស់រដ្ឋបាលសង្កាត់ទន្លេបាសាក់ ចុះថ្ងៃទី ២៧ ខែ វិច្ឆិកា ឆ្នាំ ២០១៩
៣/យោងរបាយការណ៍របស់សង្កាត់ទន្លេបាសាក់ ចុះថ្ងៃទី ២៩ ខែ វិច្ឆិកា ឆ្នាំ ២០២០
៤/កំណត់ហេតុណែនាំលើកទី១ របស់ក្រុមការងាររដ្ឋបាលខណ្ឌចម្ការមន ចុះថ្ងៃទី ២០ ខែ ធ្នូ ឆ្នាំ ២០១៩
៥/កំណត់ហេតុណែនាំលើកទី ២ របស់ក្រុមការងារដ្ឋបាលខណ្ឌចម្ការមន ចុះថ្ងៃទី ២៣ ខែ ធ្នូ ឆ្នាំ ២០១៩
៦/របាយការណ៍របស់រដ្ឋបាលខណ្ឌចម្ការមន ចុះថ្ងៃទី ៣០ ខែ ធ្នូ ឆ្នាំ ២០១៩
៧/សេចក្តីជូនដំណឹងរបស់សង្កាត់ទន្លេបាសាក់ ចុះថ្ងៃទី ០៦ មករា ឆ្នាំ ២០២០
៨/កំណត់ហេតុចុះផ្អាកអាជីវកម្មភោជនីយដ្ឋាន បាសាក់លេន ជាស្ថាពរ ចុះថ្ងទី ១៧ ខែ មករា ឆ្នាំ ២០២០ របស់ក្រុមការងារចម្រុះរដ្ឋបាលខណ្ឌចម្ការមន
៩/កំណត់ហេតុចុះដកហូតអាជ្ញាបណ្ណ័អាជីវកម្ម និង ឧបករណ៍បំពងសម្លេង ចុះថ្ងៃទី ១៨ ខែ មការា ឆ្នាំ ២០២០ របស់ក្រុមការងារចម្រុះរដ្ឋបាលខណ្ឌចម្ការមន

ជាសំណូមពររបស់រដ្ឋបាលខណ្ឌចម្ការមនដល់បងប្អូនប្រជាពលរដ្ឋដែលប្រកបរបសអាជីវកម្មភោជនីយដ្ឋាន អាហារដ្ឋាន បៀហ្គាឌិន ក្លឹបកម្សាន្ត និងបារ ទាំងអស់ក្នុងភូមិសាស្ត្រខណ្ឌចម្ការមន សូមមេត្តាកុំប្រើប្រាស់ឧបករណ៍បំពងសម្លេងដែលធ្វើឲ្យប៉ះពាល់ដល់ការស់នៅរបស់បងប្អូនប្រជាពលរដ្ឋរស់នៅជិតខាង។

មតិយោបល់