បាត់ដំបង: ថ្ងៃទី២៥ ខែមករា ឆ្នាំ២០២០នេះ ក្រោយពីទទួលបានបទបញ្ជា ពីសំណាក់លោក ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្តបាត់ដំបង កម្លាំងមូលដ្ឋាន កងរាជអាវុធហត្ថស្រុកសង្កែ បានប្រគល់សត្វពស់ទាំងពីរក្បាលនេះជូននាយសង្កាត់រដ្ឋបាលព្រៃឈើស្រុកសង្កែ។ សូមបញ្ជាក់ថា៖ ប្រជាពលរដ្ឋឈ្មោះ ឌី ស៊ាន ភេទប្រុស អាយុ ២៨ឆ្នាំ រស់នៅភូមិអន្លង់វិល ឃុំអន្លង់វិល ចាប់បានពស់ថ្លាន់ចំនួន ០២ក្បាល (ញីឈ្មោល) ដែលមានទម្ងន់ ២៣គីឡូក្រាម នឹងយកមកប្រគល់ជូនដល់កម្លាំងអាវុធហត្ថស្រុកសង្កែ៕