ភ្នំពេញៈ យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា មានការឃាត់ខ្លួនជនសង្ស័យម្នាក់ ករណីហិង្សាបណ្ដាលឲ្យជនរងគ្រោះរងរបួសធ្ងន់ម្នាក់ ស្ថិតតាមបណ្ដោយផ្លូវសហព័ន្ធរុស្ស៊ី នៅក្នុងភូមិក្បាលដំរីទី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ កាលពីវេលាម៉ោង១៩និង០០នាទីយប់ ថ្ងៃទី២៥ ខែមករា ឆ្នាំ២០២០ ។
មន្ត្រីនគរបាលខណ្ឌពោធិ៍សែនជ័យ បានឲ្យដឹងថា៖ ជនសង្ស័យឈ្មោះ លន់ រស្មី ភេទប្រុស អាយុ២៩ឆ្នាំ មុខរបររត់តុតុស្នាក់នៅ ភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។ ចំណែកឯជនរងគ្រោះឈ្មោះ រឿន តុលា ភេទប្រុស អាយុ២៣ឆ្នាំ ស្នាក់នៅ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។ វត្ថុតាងរួមមាន៖ ១)កង់បីឥណ្ឌាមួយគ្រឿង ពាក់ផ្លាកលេខ ភ្នំពេញ 1B 4942 ។ ២) ដែករនាបប្រវែង ៥០ស.ម ។
បច្ចុប្បន្នជនសង្ស័យ កំពុងឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌពោធិ៍សែនជ័យ ។ រីឯជនរងគ្រោះ កំពុងសម្រាកព្យាបាលនៅមន្ទីរពេទ្យ៕
មតិយោបល់