ផ្ទះ ព័ត៌មានជាតិ បុរសម្នាក់ស្ល...

បុរសម្នាក់ស្លាប់ភា្លមៗ ករណីម៉ូតូបុកម៉ូតូ នៅស្រុកព្រៃនប់

0

ព្រះសីហនុ: នៅវេលាម៉ោង ៧និង៣០នាទីយប់ថ្ងៃទី២៦ ខែមករា ឆ្នាំ២០២០ មានករណីគ្រោះថ្នាក់ចរាចរណ៍រវាងម៉ូតូ និងម៉ូតូ ត្រង់ចំណុចផ្លូវកោង ភូមិតាអោងធំ ឃុំសាមគ្គី ស្រុកព្រៃនប់ ខេត្តព្រះសីហនុ ។

ម៉ូតូគ្រឿងម៉ាក ហុងដា សេ១២៥ ពណ៌ខ្មៅ ពាក់ផ្លាកលេខ ភ្នំពេញ 1HC-5967 អ្នកបើកបរឈ្មោះ សាន ម៉ាប់ ភេទប្រុស អាយុ ៤៥ឆ្នាំ(ស្លាប់) មានទីលំនៅភូមិ ព្រែកត្នោត ឃុំព្រែកត្នោត ស្រុកទឹកឈូ ខេត្តកំពត ទិសដៅពីលិចទៅកើត មកដល់ចំនុចកើតហេតុខាងលើ បានបុកពេញទំហឹងជាម៉ូតូមួយគ្រឿងទៀតម៉ាក ហុងដា សេ១២៥ ពណ៌ខ្មៅ គ្មានផ្លាកលេខ អ្នកបើកបរមិនទាន់ស្គាល់អត្តសញ្ញាណ (ទិសដៅផ្ទុយគ្នារងរបួសធ្ងន់)។

ក្រោយពេលកើតហេតុសមត្ថកិច្ច ចុះមកដល់ទីតាំង វាស់វែងយកវត្ថុតាងទៅរក្សាទុក នៅនគរបាលស្រុក ដើម្បីកសាងដោះស្រាយតាមនីតិវិធី ចំណែកសព ត្រូវបានប្រគល់ជូនក្រុមគ្រួសារ យកទៅធ្វើបណ្យតាមប្រពៃណី រីឯអ្នករងរបួសបញ្ជូនទៅសម្រាកព្យាបាលនៅមន្ទីរពេទ្យ៕

មតិយោបល់