តាកែវៈ កាលពីថ្ងៃទី២៨ ខែមករា ឆ្នាំ២០២០ វេលាម៉ោង ៥ និង ១០នាទី លើផ្លូវខេត្ត 1TK1 ចន្លោះគីឡូម៉ែត្រលេខ ១៨-១៩ ស្ថិតភូមិសាមគ្គី ឃុំអង្គរបូរី ស្រុកអង្គរបូរី ខេត្តតាកែវ មានករណីគ្រោះថ្នាក់ចរាចរណ៍មួយកើតឡើងរវាង ម៉ូតូ និង អ្នកថ្មើរជើង។

ដំណើររឿង៖ មុនពេលកើតហេតុ មានម៉ូតូមួយគ្រឿងម៉ាក ហុងដា ឌ្រីម ពណ៌ខ្មៅ ពាក់ផ្លាកលេខ តាកែវ 1Q-8061 ទិសដៅពីត្បូងទៅជើង បើកបរដោយឈ្មោះ ណេង វិរៈសុកុល ភេទប្រុស អាយុ ១២ ឆ្នាំ មុខរបរសិស្ស មានទីលំនៅភូមិកំពង់ហ្លួង ឃុំអង្គរបូរី ស្រុកអង្គរបូរី ខេត្តតាកែវ (របួសស្រាល) រួមដំណើរដោយឈ្មោះ ហ៊ុន ឈិនហុង អាយុ ១៧ ឆ្នាំ មុខរបរសិស្ស មានទីលំនៅភូមិព្រែកដា ឃុំគោកធ្លក ស្រុកអង្គរបូរី ខេត្តតាកែវ (របួសស្រាល) ខណៈមកដល់ចំណុចខាងលើបានបុកអ្នកថ្មើរជើងឈ្មោះ វុធ ភេទប្រុស អាយុ ៥២ ឆ្នាំ មុខរបរកសិរ មានទីលំនៅភូមិ/ឃុំកើតហេតុ បណ្ដាលឲ្យរបួសធ្ងន់។

មូលហេតុ៖ អ្នកថ្មើរជើងឆ្លងផ្លូវខ្វះការប្រុងប្រយ័ត្ន។

ក្រោយកើតហេតុ សមត្ថកិច្ចបានចុះដល់កន្លែងកើតហេតុ ធ្វើការវាស់វែងយកវត្ថុតាងទៅរក្សាទុកនៅអធិការដ្ឋាននគរបាលស្រុក ដើម្បីកសាងសំណុំរឿងចាត់ការតាមនីតិវិធី ចំណែកអ្នករបួសបញ្ជូនទៅព្យាបាលនៅមន្ទីរពេទ្យ៕