ព័ត៌មានជាតិ

បុរសម្នាក់ ត្រូវជនមិនស្គាល់អត្តសញ្ញាណវាយ បណ្ដាលឲ្យរបួសធ្ងន់​

កណ្ដាល: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កាលពី​ថ្ងៃ​ទី​២៨​ ខែមករា​ ឆ្នាំ​២០២០​ វេលា​ម៉ោង​ ១១​ និង ​៣០​នាទីយប់​ ស្ថិត​ភូមិ​ពុក​ឬ​ស្សី​កណ្តាល​ ឃុំ​ពុក​ឬ​ស្សី​ ស្រុក​ខ្សាច់កណ្ដាល​ ខេត្តកណ្ដាល ​មានករណីបុរសម្នាក់ត្រូវជនសង្ស័យមិនស្គាល់អត្តសញ្ញាណវាយបណ្ដាលឲ្យរបួសធ្ងន់​ ។​

ជន​រង​គ្រោះ​ឈ្មោះ​ ខាត់​ ចម្រើន​ ភេទ​ប្រុស​ អាយុ ​៣៧ ​ឆ្នាំ​ ជនជាតិ​ខ្មែរ​ មុខរបរ​ កសិករ​ មាន​ទីលំនៅ​ភូមិ​ព្រែក​ថោ​ង​ ឃុំ​ព្រែក​លួង​ ស្រុក​ខ្សាច់កណ្តាល​ ខេត្តកណ្ដាល។

ដំណើររឿង៖ មុនពេលកើតហេតុ កម្លាំង​សមត្ថកិច្ច​ បាន​ធ្វើការ​ចុះ​ល្បាត​ការពារ​រក្សា​សន្តិសុខ​ជូន​ប្រជាពលរដ្ឋ​ លុះ​មក​ដល់​ចំណុច​កើតហេតុ​ ក៏​ប្រទះ​ឃើញ​ជន​រង​គ្រោះ​ដេក​នៅ​លើ​ដី​ ដោយ​មាន​របួស​ស្នាម​៣​ទៅ​៤​កន្លែង​លើ​ដងខ្លួន​ ដោយ​ត្រូវ​ជនសង្ស័យ​វាយ​ជាមួយនឹង​វត្ថុ​រឹង​ ។​ ភ្លាមៗ​នោះកម្លាំងជំនាញ​ ក៏​យក​ជន​រង​គ្រោះ​ទៅ​សង្គ្រោះ​នៅ​រាជធានី​ភ្នំពេញ​ ។​

​បច្ចុប្បន្ន​ករណី​នេះ​ សមត្ថកិច្ច​ជំនាញ​កំពុង​កសាង​សំណុំរឿង​ ដើម្បី​ធ្វើការ​ស្រាវជ្រាវ​រក​ជនសង្ស័យ​មក​អនុវត្ត​ន៏​ចាត់ការ​តាម​នីតិវិធី​ច្បាប់​ ៕

មតិយោបល់