ផ្ទះ ព័ត៌មានជាតិ គេចមិនផុតទេ! ...

គេចមិនផុតទេ! បុរសម្នាក់លួចរថយន្ត ត្រូវសមត្ថកិច្ចឃាត់ខ្លួន

0

ភ្នំពេញ: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កម្លាំង​នគរបាល​ព្រហ្មទណ្ឌ​អធិការ​ខណ្ឌ​ជ្រោយចង្វារ សហការ​ជាមួយ​កម្លាំង​នគរបាល​ការិយាល័យ​កម្រិតធ្ងន់​ស្នងការ​រាជធានី​ភ្នំពេញ បាន​បំបែក​សុំ​ណុំ​រឿង​ករណី​លួច​មាន​ស្ថាន​ទម្ងន់ទោស​(​លួច​រថយន្ត​) ប្រព្រឹត្ត​កាលពី​ថ្ងៃទី​២៣ ខែមករា ឆ្នាំ​២០២០ វេលា​ម៉ោង ០៤​និង​១៥​នាទី នៅ​ចំណុច​ផ្ទះ​លក់​គ្រឿងសំណង់​លេខ​196H ផ្លូវជាតិ​លេខ​៦ ក្រុម​៨ ភូមិ​កៀន​ឃ្លាំង សង្កាត់​ព្រែកលៀប ខណ្ឌ​ជ្រោយចង្វារ រាជធានី​ភ្នំពេញ ។​

ដល់​ថ្ងៃទី​២៩ ខែមករា ឆ្នាំ​២០២០ វេលា​ម៉ោង​១៦ ​និង​ ៣០​នាទី ​សមត្ថកិច្ចធ្វើការ​ស្រាវជ្រាវ​ឈានទៅ​ឃាត់ខ្លួន​ជនសង្ស័យ​ម្នាក់ រួម​នឹង​រថយន្ត​របស់​ជនរ​ង​គ្រោះ​១​គ្រឿង​ម៉ាក Lexus RX 330 ពណ៌​ស ពាក់ផ្លាក​លេខ​ ភ្នំពេញ 2BC-8965 ព្រមទាំងឧបករណ៍​មួយចំនួនទៀត ។​

​ជនសង្ស័យ​ឈ្មោះ ផាន់ ឌី​ណា ហៅ​ទី ភេទ​ប្រុស អាយុ ​២១ ​ឆ្នាំ មុខរបរ​មិន​ពិតប្រាកដ ស្នាក់នៅ​ខុន​ដូរ​បាលី​២ បន្ទប់​A6 ជាន់​ទី​18 សង្កាត់​ទន្លេបាសាក់ ខណ្ឌចម្ការមន​(​មាន​សារធាតុ​ញៀន​)​។​
​ម្ចាស់​រថយន្ត​ឈ្មោះ សំ សុភា ភេទ​ប្រុស អាយុ​ ៤០ ​ឆ្នាំ ស្នាក់​ផ្ទះ​លេខ​196H ផ្លូវជាតិ​លេខ​៦ ក្រុម​៨ ភូមិ​កៀន​ឃ្លាំង សង្កាត់​ព្រែកលៀប ខណ្ឌ​ជ្រោយចង្វារ មុខរបរ​លក់​គ្រឿងសំណង់​។​

​បច្ចុប្បន្ន ជនសង្ស័យ​និងវត្ថុតាង​ត្រូវសមត្ថកិច្ចបញ្ជូនទៅកាន់​​ការិយាល័យ​ព្រហ្មទណ្ឌ​កម្រិតធ្ងន់​នៃ​ស្នងការដ្ឋាន​រាជធានី​ភ្នំពេញ ដើម្បី​កសាង​សំណុំរឿង​បញ្ជូនទៅ​សាលាដំបូង​អនុវត្តតាម​នីតិវិធី ៕

មតិយោបល់