ភ្នំពេញ៖ តារាចម្រៀងលេងស្ទីលសក់ក្បាលត្រងោល ទិត្យ វិច្ឆិកា មួយរយៈចុងក្រោយនេះ ងើបប្រជាប្រិយភាពឡើងវិញ ក្រោយការចូលទៅកាន់ទ្រនំផលិតកម្ម ស៊ីស្តារ ប្រូដាកសិន ។ ថ្មីៗនេះដែរ ទិត្យ វិច្ឆិកា បានសរសេរនៅលើហ្វេសប៊ុកខ្លួន ថា “ដំណើរផ្សងព្រេងគ្មានដែនកំណត់ ខ្ញុំនឹងយកពេលវេលារបស់ខ្ញុំប្រចាំថ្ងៃ ធ្វើអោយមានតំលៃសំរាប់ខ្លួនខ្ញុំនឹងរំលែកប្រាក់ដែលខ្ញុំរកបានពីការច្រៀងខ្លះទៅជួយជនជាតិខ្មែរដែលកំពុងតែជួបភាពលំបាកនៅតាមតំបន់ដាច់ស្រយាល. ដើម្បីប្រាក់ទោះបីជាខ្ញុំត្រូវធ្វើដំណើរទៅច្រៀងដល់កន្លែងណាក៏ដោយគឺខ្ញុំត្រូវតែព្យាយាមមិនខ្លាចនៅភាពនឿយហត់នោះទេ !!!!!តើថ្ងៃអនាគតខ្ញុំអាចមានសង្ឃឹមធ្វើអោយជនជាតិរបស់ខ្ញុំដែលក្រីក្រមានស្នាមញញឹមដែរឬទេ????? ខ្ញុំតែងតែគិតអំពីបញ្ហានេះរាល់ថ្ងៃ ” ។
ជាមួយនឹងការសរសេរលើហ្វេសប៊ុកយ៉ាងនេះ បានធ្វើឲ្យអ្នក លេងសង្គមហ្វេសប៊ុក រួមទាំងតារាសម្តែងជើងចាស់ សាវីន ហ្វីលីព ចែករំលែក ក្នុងន័យសរសើរ ដល់សណ្តានចិត្ត សម្បុរសធម៌ ទិត្យ វិច្ឆិកា ៕
ព័ត៌មានជាតិ ព័ត៌មានសិល្បៈ និងកម្សាន្ត
មតិយោបល់