បាត់ដំបងៈ នៅថ្ងៃទី១ ខែកុម្ភៈ ឆ្នាំ២០២០ វេលាម៉ោង ១និង៣០នាទី ដោយអនុវត្តតាមអនុសាសន៍ណែនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង លោកវរសេនីយ៍ទោ សុខ សារិន អធិការនគរបាលស្រុកបវេល បានអនុវត្តនាំខ្លួនអ្នកកត់កន្ទុយលេខ(ឆ្នោត) ក្នុងមូលដ្ឋានចំនួន ០៤នាក់ ភេទស្រី រួមទាំងដកហូតបានក្រដាស់កត់លេខឆ្នោត(កាតុង) ជាភស្តុតាងមួយចំនួនផង។

សូមបញ្ជាក់៖ អ្នកដើរកត់កន្ទុយលេខ(ឆ្នោត)ទាំង ០៤នាក់ ត្រូវបានធ្វើកំណត់ហេតុអប់រំ និងកិច្ចសន្យាបញ្ឈប់សកម្មភាព ហើយឲ្យវិលត្រឡប់ទៅ លំនៅដ្ឋានវិញក្នុងថ្ងៃដដែល៕