កណ្តាលៈ កាលពីថ្ងៃទី៧ ខែកុម្ភៈ ឆ្នាំ២០២០ វេលាម៉ោង ១០ និង ៣០នាទីយប់ លើផ្លូវបេតុង ស្ថិតភូមិទួលត្នោត ឃុំគគីរ ស្រុកកៀនស្វាយ ខេត្តកណ្តាល មានករណីគ្រោះថ្នាក់ចរាចរណ៍មួយកើតឡើង។

ជនរងគ្រោះឈ្មោះ ហឿន សុភ័ក្រ ភេទប្រុស អាយុ ១៧ ឆ្នាំ ជនជាតិខ្មែរ មានទីលំនៅភូមិស្លាបតាអោន ឃុំគគីរ ស្រុកកៀនស្វាយ ខេត្តកណ្តាល។

ដំណើររឿង៖ មុនពេលកើតហេតុ ជនរងគ្រោះបានផឹកស្រាលជាមួយមិត្តភ័ក្តនៅកៀនស្វាយផ្លាស្សា ក្នុងឃុំភូមិធំ ស្រុកកៀនស្វាយ ខណៈផឹករួចហើយក៏ជិះម៉ូតូម៉ាក ហុងដា សេ១២៥ ស៊េរីឆ្នាំ២០១៩ ពណ៌ខ្មៅ ពាក់ផ្លាកលេខ ភ្នំពេញ 1HL-6691ជូនមិត្តភ័ក្តទៅផ្ទះនៅភូមិ/ឃុំកើតខាងលើ ពេលជូនរួចហើយត្រឡប់មកផ្លូវជាតិវិញ បានបុកជាមួយបង្គោលភ្លើង បណ្តាលឲ្យស្លាប់នៅនឹងកន្លែងតែម្តង។

ក្រោយកើតហេតុ សមត្ថកិច្ចបានចុះដល់ទីតាំងធ្វើការវាស់វែង យកវត្ថុតាងទៅរក្សាទុកនៅអធិការដ្នាននគរបាលស្រុកកៀនស្វាយ ចំណែកសពប្រគល់ឲ្យគ្រួសារយកទៅធ្វើបុណ្យតាមប្រពៃណី៕