ភ្នំពេញៈ “អនាម័យនាំមកនូវសុខភាពល្អ”🌻នេះគឺជាពាក្យស្លោកមួយឃ្លា ដែលប្រជាពលរដ្ឋខ្មែរភាគច្រើន បានដឹងឮស្ទើរគ្រប់ៗគ្នា។ ប៉ុន្តែនៅក្នុងជីវភាពប្រចាំថ្ងៃវិញ បញ្ហាអនាម័យ ហាក់ដូចជាមិនសូវមានការប្រតិបត្តិអោយបានខ្ជាប់ខ្ជួនដើម្បីសុខភាព ឬសោភ័ណភាពនោះទេ។

ជាក់ស្តែងការបោះចោលសំរាមពាសវាលពាសកាល ត្រូវបានគេប្រទះឃើញទាំងនៅរាជធានីទីប្រជុំជនតំបន់រមណីយដ្ឋាននិងតំបន់ជនបទចុងកាត់មាត់ញក។

ការបោះចោលសំរាមនេះ គឺជាកញ្ចក់ឆ្លុះបញ្ចាំងពីចំណេះដឹងមារយាទ និងការទទួលខុសត្រូវរបស់ពលរដ្ឋខ្មែរម្នាក់ៗ។

សូមបងប្អូនប្រជាពលរដ្ឋយើងមេត្តាទុកដាក់សំរាមអោយមានរបៀបរាបរយ ដើម្បីទីក្រុងយើងស្អាត៕