ត្បូងឃ្មុំ: កម្លាំងប៉ុស្តិ៍នគរបាលស្រឡប់ស្រុកត្បូងឃ្មុំ ចុះល្បាតឃាត់ខ្លួនជនសង្ស័យ០២នាក់ ពាក់ព័ន្ធនិងករណីគ្រឿងញៀន កាលពីវេលាម៉ោង៨៖៣០នាទី នៅថ្ងៃទី៣០ ខែកក្កដា ឆ្នាំ២០១៦ នៅចំណុចផ្លូវលំ ភូមិប្រធាតុ ឃុំស្រឡប់ ខេត្តត្បូងឃ្មុំ។
ប្រភពឲ្យដឹងថា ជនសង្ស័យចំនួន០២នាក់ ទី១-ឈ្មោះ កែម ពិសី អាយុ២៥ឆ្នាំ ភេទប្រុស នៅភូមិទួលពោធិ៍ ឃុំកណ្តោលជ្រុំ ស្រុកពញាក្រែក។ ទី២-ឈ្មោះ វ៉ាន ពៅ អាយុ ២០ឆ្នាំ ភេទប្រុស នៅភូមិពោធិ៍ព្រឹកកើត ឃុំដូន្តី ស្រុកពញាក្រែក។ ក្រោយប្រតិបត្តិការ កម្លាំងនគរបាលដកហូតបានវត្ថុតាងរួមមាន៖ ម្សៅក្រាមពណ៌ស សង្ស័យថ្នាំញៀនចំនួន០៤កញ្ចប់តូច, ម៉ូតូវ៉េវឆ្លាម ០១គ្រឿង និងទូរស័ព្ទម៉ាកណូគាចំនួន០២គ្រឿង។
បច្ចុប្បន្ន ជនសង្ស័យទាំង០២នាក់ ត្រូវបាននគរបាលស្រុកត្បូងឃ្មុំ ធ្វើការសាកសួរ ដើម្បីកសាងសំណុំរឿងបញ្ជូនទៅតុលាការ ចាត់ការតាមនិតិវិធី៕
មតិយោបល់