ព័ត៌មានជាតិ

រថយន្តម៉ាសឺដេស បុករថយន្តមន្ត្រីយោធា មិនអស់ល្បឿនបន្តទៅបុករថយន្ត១គ្រឿងទៀត

តាកែវ: កាលពីវេលាម៉ោង ២០និង៣០នាទីថ្ងៃទី ២២ ខែកុម្ភ: ឆ្នាំ២០២០ មានករណីគ្រោះថ្នាក់ចរាចរណ៍មួយ នៅលើផ្លូវជាតិលេខ២ ចន្លោះគីឡូម៉ែត្រ៤៩-៥០ ភូមិក្រាំងលាវ ឃុំរវៀង ស្រុសំរោង ខេត្តតាកែវ រវាងរថយន្តបីគ្រឿងប៉ះគ្នា ក្នុងទិសដៅបញ្ចា្រសគ្នា។

ហេតុការណ៍នេះ មិនបណ្ដាលឲ្យម​នុស្សរងរបួសនោះទេ គ្រាន់តែខូចខាតរថយន្តប៉ុណ្ណោះ។

រថយន្តទី១ម៉ាក ម៉ាសឺដេស ពណ៌ទឹកមាស ពាក់ផ្លាកលេខភ្នំពេញ 2k -3952 បើកបរដោយឈ្មោះ អ៊ូ ថុង ភេទប្រុស អាយុ ៦០ឆ្នាំមុខរបរអាជីវករ ធ្វើដំណើរពីត្បូងទៅជើង គ្មានរបួស រថយន្តទី២ម៉ាកហ៊ីយ៉ាន់ដាយ ពណ៌ត្រីអ៊ី ពាក់ផ្លាកលេខខេមរ:ភូមិន្ទ3-០៣០២ បើកបរដោយឈ្មោះមុត តាំភេទប្រុស អាយុ៥៥ មុខរបរយោធា នៅបញ្ជាការដ្ឋានអង្គរក្ស បើកបរពីជើងទៅត្បូង គ្មានរបួស និងរថយន្តទី៣ ម៉ាកលុចស៊ីស ពណ៌ស ពាក់ផ្លាកលេខ ភ្នំពេញ 2BA -0762 បើកបរដោយឈ្មោះ ឡុង ថា ភេទប្រុស អាយុ៥០ឆ្នាំ មុខរបរកសិករ ធ្វើដំណើរពីជើងទៅត្បូង គ្មានរបួស។

មូលហេតុ៖ បណ្តាលមកពីរថយន្តម៉ាកសឺដេស បើកលឿន រួចរេចង្កូតទៅបុកកង់ខាងក្រោយរបស់រថយន្តហ៊ីនដាយ រួចបន្តទៅបុករថយន្តម៉ាកលុចស៊ីសទៀត៕

មតិយោបល់