ភ្នំពេញ: នៅយប់ថ្ងៃទី០២ ខែមីនាឆ្នាំ២០២០ សូមបងប្អូន មានការប្រុងប្រយ័ត្នខ្ពស់លើបញ្ហាអគ្គិភ័យ ដោយសាររដូវនេះ ជារដូវក្តៅ ស្មៅ ឬព្រៃខ្លះ ត្រូវបានងាប់ស្ងួត ហើយវាងាយនឹងឆាប់ឆេះខ្លាំងណាស់ បើសិនមានបងប្អូនយើងខ្លះ ដើរកាត់ឬធ្វើចម្ការ បោះកន្ទុយបារី ឬយកឃ្មុំ ដោយបន្សល់នៅកម្ទេចភ្លើងធ្វើឲ្យមានការឆាបឆេះព្រៃបានយ៉ាងងាយ។
ជាក់ស្តែងដូចនៅភូមិព្រែកដូង ឃុំកំពង់ស្វាយចឹង មានការឆាបឆេះព្រៃយ៉ាងខ្លាំង ប៉ុន្តែដោយមានការអន្តរាគមន៍ពីលោក អធិការនគរបាលស្រុកកៀនស្វាយ ចុះដឹកនាំផ្ទាល់ និងមន្ត្រីក្រោមឱវាទ បានចុះពន្លត់ដល់កន្លែងកើតហេតុ ប្រើប្រាស់រថយន្តពន្លត់អគ្គិភ័យស្រុក ចំនួន០១ គ្រឿង ។
ករណីនេះ កម្លាំងសមត្ថកិច្ច បានគ្រប់គ្រង់ ពន្លត់បានជោគជ័យ នឹងមិនបណ្តាលឲ្យមានរាលដាលដល់ផលដំណាំ ឬផ្ទះរបស់ប្រជាពលរដ្ឋឡើយ៕
មតិយោបល់