ព្រះសីហនុៈ យោងតាមអគ្គស្នងការនគរបាលជាតិ បានឲ្យដឹងថា កម្លាំងជំនាញការិយាល័យនគរបាលព្រហ្មទណ្ឌកម្រិតស្រាល បានបង្រ្កាបករណីគ្រឿងញៀន មួយករណី ឃាត់ខ្លួនជនសង្ស័យ ០២នាក់ និងដកហូតវត្ថុតាងមួយចំនួន នៅចំណុចភូមិ៥ សង្កាត់លេខ៤ ក្រុង/ខេត្តព្រះសីហនុ ខណៈដែលមុខសញ្ញាកំពុងប្រព្រឹត្តបទល្មើសជាក់ស្តែង ។ កិច្ចប្រតិបត្តិការនេះ ធ្វើឡើងនៅវេលាម៉ោង១៦និង០០នាទី ថ្ងៃទី០៨ ខែមីនា ឆ្នាំ ២០២០ ។

សមត្ថកិច្ចបានបញ្ជាក់ថា ជនសង្ស័យទាំងចំនួន ០២នាក់នេះ ទី១.ឈ្មោះ Tong longsheng ភេទប្រុស អាយុ៣៤ឆ្នាំ ជនជាតិចិន មុខរបរមិនពិតប្រាកដ ស្រុកកំណើតប្រទេសចិន ទីលំនៅបច្ចុប្បន្ន ភូមិ៣ សង្កាត់៤ ក្រុង/ខេត្តព្រះសីហនុ លិខិតឆ្លងដែនៈគ្មាន (វត្ថុតាងចាប់យករួមមានៈគ្មាន), ទី២. ឈ្មោះ Liao hao ភេទប្រុស អាយុ២៧ឆ្នាំ ជនជាតិចិន មុខរបរមិនពិតប្រាកដស្រុកកំណើត ប្រទេសចិន ទីលំនៅបច្ចុប្បន្ន ភូមិ៤ សង្កាត់៤ ក្រុង/ខេត្តព្រះសីហនុ លិខិតឆ្លងដែនៈគ្មាន ។វត្ថុតាងចាប់យករួមមាន ៖ ១/ប្រភេទ អ៊ីចស្តាស៊ី (MDMA) ទម្ងន់ ៥៦២,៧៨ ក្រាម, ២/បារីមូលកញ្ឆា (រុក្ខជាតិញៀន) ០៦ ដើម ទម្ងន់ ៤,៧៧ក្រាម, ៣/ម្សៅសថ្លា សង្ស័យជាសារធាតុញៀន ទម្ងន់ ១៦,៤២ ក្រាម, ៤/ម្សៅពណ៌ស្វាយ សង្ស័យជាសារធាតុញៀន ទម្ងន់ ៥២,៧២ ក្រាម, ៥/ជញ្ជីងសម្រាប់ថ្លឹងគ្រឿងញៀន ចំនួន ០២ គ្រឿង, ៦/សម្ភារៈប្រើប្រាស់និងវេចខ្ចប់គ្រឿងញៀនមួយចំនួន។

បច្ចុប្បន្នជនសង្ស័យទាំង ០២នាក់ រួមនឹងវត្ថុតាង សមត្ថកិច្ចកំពុងកសាងសំណុំរឿងដើម្បីចាត់ការបនហតតាមនីតិវិធី ៕