កណ្តាលៈ កាលពីថ្ងៃទី១៨ ខែមីនា ឆ្នាំ២០២០ វេលាម៉ោង ៣និង៣០នាទី មានករណីហិង្សាដោយចេតនាទៅវិញទៅមក និងធ្វើឲ្យខូចខាតដោយចេតនា ស្ថិតត្រង់ផ្លូវលេខ២១៥ ភូមិព្រែកហូរកើត សង្កាត់ព្រែកហូរ ក្រុងតាខ្មៅ ខេត្តកណ្ដាល។

ជនសង្ស័យ ២ក្រុម៖
ក្រុមទី១មានគ្នា ៣នាក់
១-ឈ្មោះ អូន អឿន ភេទប្រុស អាយុ ៣៤ឆ្នាំ ទីលំនៅភូមិព្រែកឡុង សង្កាត់តាក្តុល ក្រុងតាខ្មៅ ខេត្តកណ្តាល មុខរបរ នេសាទត្រី រងរបួសឆ្អឹងជំនីខាងឆ្វេង (ឃាត់ខ្លួន) ។
២-ឈ្មោះ អូន ចំរើន ភេទប្រុស អាយុ ២៣ឆ្នាំ ទីលំនៅភូមិព្រែកឡុង សង្កាត់តាក្តុល ក្រុងតាខ្មៅ ខេត្តកណ្តាល មុខរបរ នេសាទត្រី (ឃាត់ខ្លួន) ។
៣-ឈ្មោះ សេង ណារ៉ុង ភេទប្រុស អាយុ ១៧ឆ្នាំ ទីលំនៅភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ មុខរបរ មិនពិតប្រាកដ (ឃាត់ខ្លួន) ។
ក្រុមទី២មានគ្នា ៤នាក់
១-ឈ្មោះ ម៉ុន វិរ: ភេទប្រុស អាយុ ១៨ឆ្នាំ ទីលំនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរ ដើររោងការ (ឃាត់ខ្លួន) ។
២-ឈ្មោះ វៃ សុខវ៉េត ភេទប្រុស អាយុ ១៧ឆ្នាំ ទីលំនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរ ដើររោងការ (ឃាត់ខ្លួន) ។
៣-ឈ្មោះ ទិត ជីវ័ន ភេទ ប្រុស អាយុ ១៧ឆ្នាំ ទីលំនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរ ដើររោងការ (ឃាត់ខ្លួន) ។
៤-ឈ្មោះ សំបូរ រ៉ាឌី ភេទប្រុស អាយុ ១៩ឆ្នាំ ទីលំនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរ កម្មកររោងចក្រ (ឃាត់ខ្លួន) ។

សម្ភារ:ខូចខាត៖
-ម៉ូតូ១គ្រឿងម៉ាកហុងដា C១១០ ពណ៌ខ្មៅ ស៊េរីឆ្នាំ២០១២ (បែកក្បាំងសខាង ក្បាល និងចង្កៀងមុខ) ។

វត្ថុតាងចាប់យក៖
-ម៉ូតូចំនួន ២គ្រឿង
-ម៉ាកហុងដា C១១០ ពណ៌ខ្មៅ ស៊េរីឆ្នាំ២០១២ ផ្លាកលេខ ភ្នំពេញ 1BI-1917
-ម៉ាកហុងដាពណ៌ខ្មៅសេរីឆ្នាំ២០០៥ ផ្លាកលេខ ភ្នំពេញ1L-7849
-កាំបិតប៉័ងតោដងឈើចំនួន២
-កាំបិតផ្គាក់ដងឫស្សីចំនួន១ ។

សភាពនៃរឿងហេតុ៖ មុនពេលកើតហេតុ ជនសង្ស័យទាំងពីរក្រុមបានទៅលេងសួនទឹក ស៊ីតនី ស្ថិតនៅក្នុងសង្កាត់ព្រែកកំពឹស ខណ្ឌដង្កោ រាជធានីភ្នំពេញទាំងអស់គ្នា ក្នុងពេលនោះក៏បានទាក់ពាក្យសំដីគ្នាហើយបានជិះម៉ូតូដេញគ្នារហូតដល់ចំណុចកើតហេតុខាងលើ បានដេញគប់ និងកាប់គ្នាដោយប្រើកាំបិតផ្គាក់ កាំបិតប៉័ងតោ និងដុំថ្ម បណ្តាលឲ្យឈ្មោះ អូន អឿន រងរបួសត្រង់ឆ្អឹងជំនីខាងឆ្វេង និងខូចខាតម៉ូតូ១គ្រឿង
ក្រោយកើតហេតុសមត្ថកិច្ច បានធ្វើការឃាត់ខ្លួនជនសង្សយទាំងពីរក្រុម យកមកសាកសួរនៅប៉ុស្តិ៍ រួចបញ្ជូនមកកាន់អធិការដ្ឋាននគរបាលក្រុងតាខ្មៅ ដើម្បីបន្តចាត់ការតាមនីតិវិធី ៕