កណ្ដាលៈ យោងតាមផេកការិយាល័យផ្សព្វផ្សាយ តាមបណ្តាញសង្គម បានឲ្យដឹងថា លោកឧត្តមសេនីយ៍ត្រី ឈឿន សុចិត្ត ស្នងការខេត្តកណ្ដាល បានបញ្ជាដោយផ្ទាល់ឲ្យនគរបាលត្រួតពិនិត្យយានយន្តតាមដងផ្លូវជាតិលេខ២១បេ អន្តរាគមន៍ឃាត់ខ្លួនយុវជន ជាមុខសញ្ញាប្រើប្រាស់គ្រឿងញៀនម្នាក់ បន្ទាប់ពីយុវជនរូបនេះ ព្រហើនបើករថយន្តទាំងបំពាន មិនគោរពការត្រួតពិនិត្យរបស់នគរបាលជំនាញ ខណៈដែលកម្លាំងនគរបាលជំនាញ កំពុងធ្វើការត្រួតពិនិត្យយានយន្ត តាមបណ្ដោយផ្លូវជាតិលេខ២១ ចំណុចភូមិទួលក្រសាំង សង្កាត់រការខ្ពស់ ក្រុងតាខ្មៅ នៅព្រឹកថ្ងៃទី២០ ខែមីនា ឆ្នាំ២០២០។
តាមការឲ្យដឹងរបស់លោកឧត្តមសេនីយ៍ត្រី ឈឿន សុចិត្ត ស្នងការនគរបាលខេត្តកណ្ដាល បានឲ្យដឹងថា យុវជនសង្ស័យឈ្មោះ ថន ដាវីត ភេទប្រុស អាយុ២១ឆ្នាំ (មានសារធាតុញៀនក្នុងខ្លួន) បើករថយន្តប្រភេទបែន ចង្កូតស្តាំ ពាក់ផ្លាកលេខTK-០៦១៤ ។
លោកស្នងការបានឲ្យដឹងទៀតថា នៅព្រឹកថ្ងៃទី២០ ខែមិនា ឆ្នាំ២០២០ លោកបានឲ្យលោកឧត្តមសេនីយ៍ត្រី វ៉ែន សុវិន ស្នងការរងទទួលផែនការងារសណ្តាប់ធ្នាប់ និងលោកឧត្តមសេនីយ៍ត្រី សារុន សុវណ្ណារ៉ា ស្នងការរងទទួលការងារកិច្ចការប៉ុស្តិ៍ ដឹកនាំកម្លាំងជំនាញការិយាល័យនគរបាលចរាចរណ៍ផ្លូគោក អមដោយកម្លាំងអន្តរាគមន៍ ធ្វើការត្រួតពិនិត្យយានយន្ត ដែលបើកបរនៅលើផ្លូវជាតិលេខ២១ ចំណុចភូមិទួលក្រសាំង អំទ្បុងពេលសមត្ថកិច្ច កំពុងធ្វើការត្រួតពិនិត្យ និងឃាត់រថយន្ត បានមួយចំនួន បន្ទាប់មក ក៏មានរថយន្តបែនចង្កូតស្តាំមួយគ្រឿង ពាក់ផ្លាកលេខTK-០៦១៤ បើកបរដោយឈ្មោះ ថន ដាវីត ភេទប្រុស អាយុ២១ឆ្នាំ [ គ្មានបណ្ណបើកបរ] ដែលបើកបរក្នុងល្បឿនលឿន ពេលនោះ សមត្ថកិច្ចក៏ធ្វើសញ្ញាបញ្ជាឲ្យឈប់ ដើម្បីធ្វើការត្រួតពិនិត្យ ប៉ុន្តែអ្នកបើកបរខាងលើបែរជាគេចវេស ហើយបន្ថែមល្បឿនកាន់តែលឿន សំដៅមកគោលដៅឈរត្រួតពិនិត្យរបស់សមត្ថកិច្ច ធ្វើឲ្យសមត្ថកិច្ចគេចចេញពីមុខរថយន្តដើម្បីជាសវាងគ្រោះថ្នាក់ បន្ទាប់មកលោកក៏បានបញ្ជាឲ្យកម្លាំងសមត្ថកិច្ចក្រោមឱវាទ ដេញតាមចាប់រថយន្តល្មើសបានប្រមាណ២km ពីគោលដៅត្រួតពិនិត្យ ទើបឃាត់បាន រួចបញ្ជូនមកការិយាល័យនគរបាលចរាចរណ៍ផ្លូវគោក បានធ្វើការត្រួតពិនិត្យ និងធ្វើតេស្តអ្នកបើកបរ រកឃើញមានសារធាតុញៀនវិជ្ជមាន ហើយបានបញ្ជូនអ្នកបើកបរមកសាលាដំបូងខេត្តកណ្តាល នៅរសៀលថ្ងៃដដែល ដើម្បីចាត់ការតាមនិតិវិធី ៕
![](https://i0.wp.com/cdn.pnm.news/2020/03/postnews.com.kh.2020-03-21_01-21-13.jpg?resize=640%2C480&ssl=1)
![](https://i0.wp.com/cdn.pnm.news/2020/03/postnews.com.kh.2020-03-21_01-21-21.jpg?resize=640%2C480&ssl=1)
![](https://i0.wp.com/cdn.pnm.news/2020/03/postnews.com.kh.2020-03-21_01-21-23.jpg?resize=640%2C853&ssl=1)
![](https://i0.wp.com/cdn.pnm.news/2020/03/postnews.com.kh.2020-03-21_01-21-26.jpg?resize=640%2C853&ssl=1)
![](https://i0.wp.com/cdn.pnm.news/2020/03/postnews.com.kh.2020-03-21_01-21-28.jpg?resize=640%2C480&ssl=1)
![](https://i0.wp.com/cdn.pnm.news/2020/03/postnews.com.kh.2020-03-21_01-21-30.jpg?resize=640%2C853&ssl=1)
មតិយោបល់