ភ្នំពេញ: កាលពីវេលាម៉ោង ០១ និង ៤៥ នាទីយប់រំលងអធ្រាត្រ ឆ្លងចូលថ្ងៃទី ២១ ខែមីនា ឆ្នាំ២០២០ ត្រង់ចំណុចខាងត្បូងស្ពានអាកាសផ្សារដីហុយ ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ មានករណីគ្រោះថ្នាក់ចរាចរណ៍មួយ ដោយបុរសម្នាក់ បានជិះម៉ូតូ ១គ្រឿង មិនប្រយ័ត្ន ក៏រេចង្កូតឡើងលើពំនូកថ្ម ជ្រុលទៅបុកបង្គោលភ្លើង បណ្ដាលឲ្យដួលបោកនឹងគម្របលូ រងរបួសធ្ងន់។

ដំណើររឿង៖ ដំបូងទ្បើយ គេឃើញបុរសម្នាក់ ជិះម៉ូតូម៉ាកហុងដាវ៉េវ ១គ្រឿង ពណ៌ខ្មៅ ពាក់ផ្លាកលេខ រតនគីរី 1B-0562 ធ្វើដំណើរពីត្បូងទៅជើង។ នៅពេលមកដល់ចំណុចខាងលើ មិនប្រយ័ត្នស្រាប់តែម៉ូតូរេចង្កូតឡើង លើពំនូកថ្ម ជ្រុលទៅបុកបង្គោលភ្លើង បណ្ដាលឲ្យដួលបោកនឹងគម្របលូ រងរបួសធ្ងន់។

ភ្លាមៗនោះ ជនរងគ្រោះ ត្រូវបានរថយន្តសង្គ្រោះបន្ទាន់ ដឹកយកទៅមន្ទីរពេទ្យផងដែរ។

ដោយទ្បែកវត្ថុតាង សមត្ថកិច្ច បានយកទៅរក្សាទុកបណ្ដោះអាសន្ន នៅប៉ុស្តិ៍នគរបាលរដ្ឋបាលទឹកថ្លា រង់ចាំសាច់ញាតិយកឯកសារមកផ្ទៀងផ្ទាត់ ប្រគល់ជូនវិញ៕