Post News Media ព័ត៌មានជាតិ ពលរដ្ឋ១២០នាក់...

ពលរដ្ឋ១២០នាក់ទទួលបានអត្តសញ្ញាណប័ណ្ណសញ្ជាតិខ្មែរ

ភ្នំពេញ: ប្រជាពលរដ្ឋចំនួន១២០នាក់ រស់នៅភូមិដីថ្មី សង្កាត់ភ្នំពេញថ្មី ខណ្ឌសែនសុខ កាលពីរសៀលថ្ងៃទី១ ខែសីហា ឆ្នាំ២០១៦ បានទទួលអត្តសញ្ញាណប័ណ្ណសញ្ជាតិខ្មែរពីលោក ម៉ក់ ហុង អធិការនគរបាលខណ្ឌសែនសុខ។

ពិធីចែកជូនអត្តសញ្ញាណប័ណ្ណសញ្ជាតិខ្មែរមានការចូលរួមពីអាជ្ញាធរ សមត្ថកិច្ច សង្កាត់ភ្នំពេញ និងថ្នាក់ដឹកនាំនគរបាលអធិការដ្ឋានខណ្ឌសែនសុខជាច្រើននាក់ទៀត។

លោក ម៉ក់ ហុង បានជម្រាបជូនប្រជាពលរដ្ឋដែលមកទទួលអត្តសញ្ញាណប័ណ្ណ​សញ្ជាតិខ្មែរបញ្ជាក់​ពីអត្ថប្រយោជន៍​នៃ​អត្តសញ្ញាណប័ណ្ណរបស់​យើងជាពលរដ្ឋម្នាក់ៗ ត្រូវរក្សាទុកឲ្យបានល្អ សម្រាប់យកទៅបំពេញការងារ​ផ្សេងៗ​ដោយ​លក្ខណ:​ស្របច្បាប់។

ប្រជាពលរដ្ឋសម្តែងនូវការគាំទ្រចំពោះសមត្ថកិច្ចអាជ្ញាធរមូលដ្ឋាន ដែលបានជួយផ្តល់នៅសេវាធ្វើអត្តសញ្ញាណប័ណ្ណសញ្ជាតិខ្មែរជូនពួកគាត់បានលឿន និងទាន់ពេលវេលា៕

photo_2016-08-02_09-32-56

photo_2016-08-02_09-32-57

photo_2016-08-02_09-32-59

photo_2016-08-02_09-32-58