ភ្នំពេញៈ យោងតាមផេកអគ្គស្នងការដ្ឋាននគរបាលជាតិបានឲ្យដឹងថា សំណង់អាគារថ្មបេតុងមួយកន្លែង ត្រូវបានអគ្គិភ័យឆាបឆេះ បណ្ដាលឲ្យមានការភ្ញាក់ផ្អើលដល់ប្រជាពលរដ្ឋ ។ អគ្គិភ័យមួយកន្លែងនេះកើតឡើងនៅតាមបណ្តោយផ្លូវ២១៤ ក្រុមទី២២ ភូមិ០៥ សង្កាត់បឹងរាំង ខណ្ឌដូនពេញ រាជធានីភ្នំពេញ កាលពីវេលាម៉ោង ៧និង០០នាទីយប់ ថ្ងៃទី២៤ ខែមីនា ឆ្នាំ២០២០ ។
មន្ត្រីនគរបាលខណ្ឌដូនពេញបានឲ្យដឹងថា៖ ម្ចាស់ឈ្មោះកម្មសិទ្ធមិនទាន់ស្គាល់អត្តសញ្ញាណនៅឡើយ ។
មូលហេតុ៖ កំពុងស្រាវជ្រាវ ។
-អគ្គារប្រភេទសំណង់ ថ្មបេតុងបន្ទប់ក្រោមជណ្ដើរទំហំ ០២ម៉ែត្រ x ០៤ម៉ែត្រ ។
-ខូចខាត៖ បន្ទប់ក្រោមដី១បន្ទប់ នឹងសម្ភារមួយចំនួន ។
-គ្រោះថ្នាក់មនុស្ស៖ គា្មន ។
ប្រភពដដែលបានបន្តថា៖ អគ្គិភ័យនេះប្រើប្រាស់ រថយន្តការិយាល័យអគ្គិភ័យរាជធានីភ្នំពេញ ចំនួន ១០គ្រឿងប្រើប្រាស់ទឹកអស់ចំនួន ០៣ឡាន ស្មើនឹង ១២ម៉ែត្រគូប ។
រថយន្តជំនួយអន្តរាគមន៍ពន្លត់មានដូចខាងក្រោម៖
-រថយន្តអគ្គិភ័យក្រសួងមហាផ្ទៃចំនួន ២គ្រឿង មិនបានប្រើប្រាស់
-រថយន្តអគ្គិភ័យក្រុមហ៊ុនOCICទីក្រុងកោះពេជ្រចំនួន ៣គ្រឿង មិនបានប្រើប្រាស់ទឹក
-រថយន្តអគ្គិភ័យផ្សារទំនើបអូរឡាំព្យាចំនួន ២គ្រឿងមិនបានប្រើប្រាស់ទឹក
អគ្គិភ័យនេះពន្លត់ចប់នៅម៉ោង ១៩និង៣០នាទី ថៃ្ងខែឆាំ្នដដែល ៕
មតិយោបល់