Post News Media ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យ២នាក់ ពាក់ព័ន្ធករណីចែកចាយគ្រឿងញៀន

បាត់ដំបង: ជនសង្ស័យ​ចំនួន​២នាក់ ​ត្រូវ​បាន​កម្លាំង​កងរាជអាវុធហត្ថ​ស្រុក​រតនមណ្ឌល​ ធ្វើការ​ឃាត់ខ្លួន​ ពាក់ព័ន្ធ​នឹង​ករណី​ចែកចាយ​គ្រឿងញៀន​ជាក់ស្តែង កាលពី​ម៉ោង​៥៖១៥ នាទី​ល្ងាច ថ្ងៃទី១ ខែសីហា ឆ្នាំ​២០១៦ ត្រង់​ចំណុច​ភូមិជាម​ន្ត្រី ​ឃុំត្រែង ស្រុក​រតនមណ្ឌល ​ខេត្តបាត់ដំបង។

ប្រភព​ឲ្យដឹងថា ​ប្រតិបត្តិការ​ខាងលើនេះ​ ​​កម្លាំង​​​សមត្ថកិច្ច​បាន​ធ្វើ​ការឃាត់​ខ្លួន​ឈ្មោះ រ៉េត បូ​រិ​ទ្ធ ភេទ​ប្រុស អាយុ២១​ឆ្នាំ មុខរបរកម្មករ ទីលំនៅ​ភូមិ ភ្ជា​វ ​ឃុំ ត្រែង ស្រុក រតនមណ្ឌល ខេត្តបាត់ដំបង ​ដោយ​ឆែក​រកឃើញ​គ្រឿងញៀន​ប្រភេទ​ម៉ា​ទឹកកក​ចំនួន​មួយ​កញ្ចប់​ ដែល​ជនសង្ស័យ​បាន​លាក់ទុក​នៅក្នុង​ខោ​លី​អូរ ​ ដោយ​ថ្នាំញៀន​នេះ​មាន​ទម្ងន់ ១,៧៧ ក្រាម ។ បន្ទាប់ពី​បាន​ធ្វើ​ការសាកសួរ​រួចមក សមត្ថកិច្ច​បាន​បន្ត​ឈាន​ដល់​ការឃាត់ខ្លួន​ជនសង្ស័យ​ បាន​ម្នាក់ទៀត ​មានឈ្មោះ ​ឈឹម កុសល ភេទ​ប្រុស អាយុ២២ឆ្នាំ មុខរបរគ្មាន។ ​ការឃាត់ខ្លួន​នេះ​ បាន​ធ្វើឡើង​នៅ​ចំណុច​ភូមិភ្ជា​វ ឃុំ​ត្រែង ស្រុក រតនមណ្ឌល​ខេត្តបាត់ដំបង​ ដែល​ជា​បក្ខពួក​តែមួយ​ព្រមទាំង​បាន​រកឃើញ​គ្រឿងញៀន​ប្រភេទ​ម៉ា​ទឹកកកចំនួន១៨កញ្ចប់ ​មាន​ទម្ងន់ ៥,៦៤ ក្រាម ទូរស័ព្ទ០៤គ្រឿង​។

នៅក្នុង​កិច្ចប្រតិបត្តិការ​នេះដែរ ​គឺ​កម្លាំង​បាន​ឃាត់ខ្លួន​មនុស្ស​​បាន​​ជនសង្ស័យ​ចំនួន​២​នាក់ ​ រួមទាំងវត្ថុតាង ​គឺ​គ្រឿងញៀន​ម៉ា​ទឹកកក១៩កញ្ចប់ ​មាន​ទម្ងន់​សរុប ៧,៤១ក្រាម​ ទូរស័ព្ទដៃ០៤គ្រឿង និង​ម៉ូតូ០១គ្រឿង​ម៉ាកMSX ពណ៌​ស គ្មាន​ផ្លាកលេខ​ ស៊េរី​ឆ្នាំ២០១៤។​

បច្ចុប្បន្ន ​ជនសង្ស័យ និងវត្ថុតាងត្រូបាន​កម្លាំង​​ការិយាល័យ​ជំនាញ ​​​បញ្ជូន​ទៅកាន់​សាលាដំបូង​ខេត្ត ដើម្បី​ចាត់ការ​តាម​នីតិ​វិធី​៕

image2 (2) - Copy

image1 (2)