ផ្ទះ ព័ត៌មានជាតិ នារីបុគ្គលិក​...

នារីបុគ្គលិក​ក្រុមហ៊ុន​ K4​ ម្នាក់​ ត្រូវ​ក្រុម​ចោរ​២​នាក់​ ធ្វើសកម្មភាពឆក់​កាបូប​ បណ្ដាលឲ្យ​​ដួលម៉ូតូអូស​ជា​ច្រើន​ត្រឡប់របួសធ្ងន់ បានស្លាប់នៅមន្ទីរពេទ្យ​កាល់​ម៉ែ​ត

0

​ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា ​នារីម្នាក់​ជា​បុគ្គលិក​ក្រុមហ៊ុន​ K4​ ខណ:​ក្រុម​ចោរ​២​នាក់​ បាន​ឆក់​កាបូប​នាង​អូស​ដួល​ជា​ច្រើន​ត្រឡប់​ ហើយ​ត្រូវ​បាន​គេ​ដឹក​យក​ទៅ​ព្យាបាល​ នៅ​មន្ទីរពេទ្យ​កាល់​ម៉ែ​ត​ ក៏​ដាច់ខ្យល់​ស្លាប់​ ។​
ហេតុការណ៍​ក្រុម​ចោរឆក់​ ទូរស័ព្ទ​នេះ​ បាន​កើតឡើង​នៅ​វេលា​ម៉ោង​ ប្រហែល​២០​និង​២០​នាទី​ ថ្ងៃ​ទី​ ៧​ ខែមេសា​ ឆ្នាំ​២០២០​ នៅ​ចំណុច​មុខ​ផ្ទះ​លេខ​96​ ផ្លូវ​លេខ​៣១០​ ក្រុម​ទី​៣៧​ ភូមិ​១៣​ សង្កាត់​បឹង​កេងកង​៣​ ខណ្ឌ​បឹ​កេងកង​ រាជធានី​ភ្នំពេញ​។​

​នារី​រង​គ្រោះ​ឈ្មោះ​ លីវ​ ឡៃ​ហួយ​ ភេទ​ស្រី​ អាយុ​២៣​ឆ្នាំ​ ជនជាតិ​ខែ្ម​រ​ មុខរបរ​បុគ្គលិក​ក្រុមហ៊ុន​លក់​គ្រឿង​អេ​ឡិ​ក​ត្រូ​និក​ខេ​៤​ ស្នាក់​នៅផ្ទះ​ជួល​គ្មាន​លេខ​ ផ្លូវលំ​ ភូមិ​សន្សំ​កុសល់​ សង្កាត់​បឹង​ទំពន់​ ខណ្ឌមានជ័យ​ រាជធានី​ភ្នំពេញ​ ទីកន្លែង​កំណើត​នៅ​ឃុំ​សណ្តាន់​ ស្រុក​សណ្តាន់​ ខេត្តកំពង់ធំ​។​

​ជនសង្ស័យ​ចំនួន​២​នាក់​ ពុំ​ស្កាល់​អត្តសញ្ញាណ​ជា​ប្រភេទ​ក្មេង​ស្ទាវ​ ភេទ​ប្រុស​ អាយុ​ប្រហែល​២០​ឆ្នាំ​ ទៅ​២២​ឆ្នាំ​ បាន​ជិះ​ម៉ូតូ​មួយ​គ្រឿង​ម៉ាក​ Honda​ dream​ c125​ ពណ៌​ខ្មៅ​ ពុំ​ស្គាល់​លើ​ស៊េរី​ និង​ពុំ​ចាំ​ផ្លាក​លេខ​ បាន​ជិះ​ម៉ូតូ​រត់គេច​ខ្លួន​បាត់​។​

​តាម​ដំណើររឿង​ ៖​ មុន​កើតហេតុ​នារី​រង​គ្រោះ​បាន​ជិះ​ម៉ូតូ​ហុងដា​សេ​១២៥​ តាម​បណ្តោយ​ផ្លូវ​៣១០​ ស្រប​ពេល​នោះ​ ជនសង្ស័យ​មាន​គ្នា​០២​នាក់​ បាន​ជិះ​ស្របគ្នា​មក​ពីក្រោយ​អែប​ក្បែរ​ម៉ូតូ​ជន​រង​គ្រោះ​ ហើយ​ក៏​ធ្វើ​សកម្មភាព​ឆក់​ទូរស័ព្ទ​ដៃ​ពី​នារី​រង​គ្រោះ ​បណ្តាល​ឲ្យ​ជន​រង​គ្រោះ​ដួល​ អូស​ម៉ូតូ​និង​រង​របួសធ្ងន់​ ក្រោយ​បញ្ជូន​ដល់​មន្ទីរពេទ្យ​កាល់​ម៉ែ​ត​ ក៏​ដាច់ខ្យល់​ស្លាប់​។​

​បច្ចុប្បន្ន​ សាកសព​ ត្រូវ​បាន​ប្រគល់​ជូន​ក្រុម​គ្រួសារ​យក​ទៅ​ធ្វើបុណ្យ​នៅ​វត្ត​ទួល​សង្កែ​ សង្កាត់​ទួល​សង្កែ​ ខណ្ឌឫស្សីកែវ​៕

មតិយោបល់