ព័ត៌មានជាតិ

នគរបាលឃាត់ខ្លួន​ជនសង្ស័យ​ម្នាក់​ ទទួល​ទិញ​ម៉ូតូ​ ពី​ក្រុម​ប្រើ​អាវុធ​ខ្លី​បាញ់​ខ្យល់​ភ្ជង់​គំរាម​ប្លន់​យក​ម៉ូតូ​

​ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា​ ប៉ុស្តិ៍​នគរបាល​រដ្ឋបាល​ភ្នំពេញ​ថ្មី​ បានស្រាវជ្រាវ​បន្ត​ឃាត់ខ្លួន​ជនសង្ស័យ​ម្នាក់​បន្ថែម​ទៀត​ ពី​បទ​ ទទួលផល​ចោរកម្ម​ ពាក់ព័ន្ធ​ក្នុង​ករណី​លួច​មាន​ស្ថាន​ទម្ងន់ទោស​ (​ប្រើ​អាវុធ​ខ្លី​បាញ់​ខ្យល់​ភ្ជង់​គំរាម​ប្លន់​យក​ម៉ូតូ​)​ នៅ​ចំណុច​មុខ​សាលា​SOS​ ផ្លូវ​បេតុង​ ភូមិ​ភ្នំពេញ​ថ្មី​ សង្កាត់​ភ្នំពេញ​ថ្មី​ ខណ្ឌ​សែន​សុខ​ កាលពីថ្ងៃ​ទី​០៧​ ខែមេសា​ ឆ្នាំ​២០២០​ វេលា​ម៉ោង ​១០​និង​៣០​នាទី​ ។​

​ជនសង្ស័យ​ឈ្មោះ​ ចាន់​ វាសនា​ ភេទ​ប្រុស​ អាយុ ​២៤​ឆ្នាំ​ ជនជាតិ​ខ្មែរ​ មុខរបរ​គ្មាន​ ស្នាក់​នៅ​បន្ទប់​ជួល​ ផ្លូវ​បេតុង​ ភូមិ​ផ្សារ​ទឹកថ្លា​ សង្កាត់​ទឹកថ្លា​ ខណ្ឌ​សែន​សុខ​ ឃាត់ខ្លួន​នៅ​ក្នុង​បន្ទប់​ជួល​របស់​ខ្លួន​ (​មាន​សារធាតុ​ញៀន​)​។​

​ជនសង្ស័យ​ខាងលើ​នេះ​ បាន​ទទួល​ទិញ​ម៉ូតូ​ ម៉ាក​សេ​១២៥​ ពណ៌​ខ្មៅ​ ផលិត​ឆ្នាំ​២០២០​ ពាក់ផ្លាក​លេខ​ភ្នំពេញ​ 1HZ-0762​ ពី​ក្រុម​ជនសង្ស័យ​ ដែល​ធ្វើ​សកម្មភាព​កាលពី​ថ្ងៃ​ទី​២៩​ ខែមីនា​ ឆ្នាំ​២០២០​ វេ​លាម៉ោង ​០៣​និង​០០​នាទី​។​

​បច្ចុប្បន្ន​ ជនសង្ស័យ​កំពុង​ឃាត់ខ្លួន​នៅ​អធិការដ្ឋាន​នគរបាល​ខណ្ឌ​សែន​សុខ​ ដើម្បី​អនុវត្ត​តាម​នីតិវិធី​៕

មតិយោបល់