ភ្នំពេញៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កាលពីថ្ងៃទី៧ ខែមេសា ឆ្នាំ២០២០ វេលាម៉ោង១៨និង៣០នាទី កម្លាំងនគរបាលប៉ុសិ៍រដ្ឋបាលផ្សារដើមគ នៃអធិការដ្ឋាននគរបាល ខណ្ឌទួលគោក បានឃាត់ខ្លួនជនសង្ស័យម្នាក់ (ជនរងគ្រោះចាប់ប្រគល់ឲ្យ) ពីបទលួច (លួចកាបូបដៃក្នុងនោះមានលុយដុល្លារចំនួន៥០០$ ,លុយខ្មែរចំនួន១,៧០០,០០០៛ និងខ្សែកប្លាកទីនចំនួន០១ខ្សែទម្ងន់៥ជី ចិញ្ចៀនប្លាកទីន ០១វង់ ទម្ងន់៥ហ៊ុន ) ប្រព្រឹត្តនៅចំណុចមុខផ្ទះលេខ៣៣បេអឺសូន្យ ផ្លូវលេខ៣៣៦ ក្រុមទី១ ភូមិ១ សង្កាត់ផ្សារដើមគ ខណ្ឌទួលគោក រាជធានីភ្នំពេញ។
ជនសង្ស័យឈ្មោះ សុខ ស្រីកា ហៅ កា ភេទស្រី អាយុ២០ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួលមិនចាំលេខ ផ្លូវរថភ្លើង ក្រុមទី១០៦ ភូមិ២៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ។
វត្ថុតាងចាប់យក៖ កាបូបដៃចំនួន ០១ ពណ៌ទឹកដោះគោ ដែលនៅក្នុងមានលុយដុល្លាចំនួន៥០០$, លុយខ្មែរចំនួន ១៧០០០០០៛, ចិញ្ចៀនប្លាកទីនចំនួន០១វង់ទម្ងន់៥ហ៊ុន និងខ្សែកប្លាកទីនចំនួន០១ខ្សែទម្ងន់៥ជី ។
លទ្ធផលយកទឹកនោមជនសង្ស័យធ្វើតេស្តិ៍ ស្វែងរកសារធាតុញៀន វិជ្ជមាន (មានសារធាតុញៀន) ។
ជនរងគ្រោះឈ្មោះ ឡាំង សុខច័ន្ទ ភេទស្រី អាយុ២៧ឆ្នាំ ជនជាតិខ្មែរ មុខរបរបុគ្គលិកសណ្ឋាគារ អាហ្ស៊ូម៉ាយ៉ា ស្នាក់នៅផ្ទះជួលមិនចាំលេខ ផ្លូវលំ ភូមិ ភ្នាត សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
ចំពោះសម្ភារបានធ្វើការប្រគល់ឲ្យជនរងគ្រោះវិញ ដោយបានការឯកភាពពី លោក សេង គឹមឡាក់ ព្រះរាជអាជ្ញារងអមសាលាដំបូងរាជធានីភ្នំពេញតាមការស្នើសុំរបស់ជនរងគ្រោះ ។
បច្ចុប្បន្ន ជនសង្ស័យឈ្មោះ សុខ ស្រីកា កំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ៕
មតិយោបល់