យោងតាមលទ្ធផលនៃការស្ទង់មតិចុងក្រោយបានឲ្យដឹងថា ក្មេងៗចង់បានកាដូ iPhone ពីតាណូអែល នៅថ្ងៃបុណ្យណូអែលឆ្នាំនេះ។
ក្រុមស្រាវជ្រាវ Ebates បានធ្វើការស្ទង់មតិទៅលើក្មេងដែលមានអាយុនៅចន្លោះ ១២-១៧ឆ្នាំ ពីអ្វីដែលគេចង់បាននៅក្នុងថ្ងៃបុណ្យណូអែល។ លទ្ធផលបានបង្ហាញថា ៣២ភាគរយនៃក្មេងដែលបានស្ទង់មតិ ចង់បាន iPhone របស់ក្រុមហ៊ុន Apple ចំណែក Samsung Galaxy មានតែ ១២ភាគរយប៉ុណ្ណោះ។
តាមការស្ទង់មតិក៏បានបង្ហាញផងដែរថា iPad ក៏បានស្ថិតនៅក្នុងតារាងនៃវត្ថុបំណងរបស់ក្មេងៗនៅក្នុងថ្ងៃបុណ្យណូអែលពីតាណូអែលផងដែរ។ បើទោះបីជាក្មេងៗភាគច្រើនចង់បាន iPhone ក្ដី ប៉ុន្តែក្មេងប្រុសមួយចំនួនផ្សេងចង់បានឧបករណ៍ហ្គេម Playstation 4 របស់ក្រុមហ៊ុន Sony។
ក្នុងចំណោមឧបករណ៍ទាំងអស់ខាងលើ មាន ៤១ភាគរយ បានសម្រេចជ្រើសរើសយក iPhone ក្នុងករណីដែលឲ្យជ្រើសរើសយកតែមួយ។
គួរបញ្ជាក់ផងដែរថា ចាប់តាំងពីឆ្នាំ ២០១០ មក iPhone បានក្លាយជាកាដូពិសេសមួយដែលក្មេងៗចង់បាននៅថ្ងៃបុណ្យណូអែល៕
មតិយោបល់