សៀមរាបៈ សមត្ថកិច្ចឃាត់ខ្លួនជនសង្ស័យ ០២នាក់ ដកហូតគ្រឿងញៀនជាង ០៤គីឡូក្រាមនៅវេលាម៉ោង៤និង០០នាទី ថ្ងៃទី០៨ ខែមេសា ឆ្នាំ២០២០ នៅចំណុចភូមិបឹងដូនប៉ា សង្កាត់ស្លក្រាម ខេត្តសៀមរាប កម្លាំងអាវុធហត្ថខេត្តសហការណ៍ជាមួយកម្លាំងមូលដ្ឋាន កងរាជអាវុធហត្ថក្រុងសៀមរាប បានឃាត់ខ្លួនជនសង្ស័យចំនួន០២នាក់ពាក់ព័ន្ធករណីរក្សាទុក ដឹកជញ្ជូនឬជួញដូរដោយខុសច្បាប់នូវសារធាតុញៀន។ ជនសង្ស័យមានឈ្មោះ ហួ លីកផៃ ភេទប្រុស អាយុ៤៣ឆ្នាំ មុខរបររត់តាក់ស៊ី ទីលំនៅភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប និង ឈ្មោះ ស្រឿង សំរិទ្ធ ភេទប្រុស អាយុ២៥ឆ្នាំ មុខរបរមិនពិតប្រាកដ ទីលំនៅភូមិដីថ្មី ឃុំស្រែណូយ ស្រុកវ៉ារិន ខេត្តសៀមរាប។ កម្លាំងបានចាប់យកវត្ថុតាងម្សៅក្រាមពណ៌ស(មេតាំហ្វេតាមីន)ចំនួន០៣ដុំនិង២៥កញ្ចប់ ស្មើនឹង ៤៦១៤.៥១ក្រាម,ជញ្ជីងថ្លឹងគ្រឿងញៀន០៣គ្រឿង,ទូរដែកដាក់គ្រឿងញៀន០១គ្រឿង,ញញួរ០១ និងសម្ភារៈវេចខ្ចប់គ្រឿងញៀនមួយចំនួនទៀត។
បច្ចុប្បន្នជនសង្ស័យ និងវត្ថុតាងមន្ត្រីជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្ត៕