រតនគិរីៈ នៅថ្ងៃទី១៣ ខែមេសា ឆ្នាំ២០២០ វេលាម៉ោង ៨និង៣០នាទីព្រឹក ចំណុចព្រៃអូររ៉ាពឿង ស្ថិតក្នុងភូមិអុល ឃុំបាតាង ស្រុកលំផាត់ ខេត្តរតនគិរី មានករណីធ្លាក់ពីលើដើមឈើផ្តៀក បណ្តាលឲ្យស្លាប់មនុស្សម្នាក់។

ជនរងគ្រោះឈ្មោះ ការ ផ្វា ភេទប្រុស អាយុ ២២ឆ្នាំ ជនជាតិទំពួន មុខរបរកសិករ រស់នៅភូមិឃុំកើតហេតុខាងលើ។

ដំណើររឿង៖ មុនពេលកើតហេតុជនរងគ្រោះ និងអ្នករួមដំណើរម្នាក់ប្រុស បាននាំគ្នាដើររកឃ្មុំ ដល់ចំណុចកើតហេតុក៏បានប្រទះឃើញឃ្មុំនៅលើដើមផ្តៀកធំ ជនរងគ្រោះបានវ៉ៃបង្អោងឡើងបាន ពាក់កណ្តាលដើមក៏របូតដៃធ្លាក់ បណ្តាលឲ្យស្លាប់នៅនឹងកន្លែងកើតហេតុ។

ក្រោយពេលទទួលព័ត៌មានរួចមក កម្លាំងជំនាញអធិការ បានសហការជាមួយកម្លាំងប៉ុស្តិ៍រដ្ឋបាលឃុំបាតាង ចុះត្រួតពិនិត្យកន្លែងកើតហេតុ និងសាកសព រួចធ្វើកំណត់ហេតុប្រគល់ជូនសាច់ញាតិយកទៅធ្វើបុណ្យតាមប្រពៃណី៕