ភ្នំពេញៈ ដើម្បីឲ្យភូមិសង្កាត់មានសុវត្ថិភាពកម្លាំងព្រហ្មទណ្ឌខណ្ឌពោធិ៍សែនជ័យដឹកនាំដោយលោក ម៉ន វុធី អធិការរងទទួលបញ្ជាពីលោក យឹម សារ៉ាន់អធិការខណ្ឌពោធិ៍សែនជ័យ រួមជាមួយកម្លាំប៉ុស្តិ៍រដ្ឋបាលកន្ទោក ឆ្មក់បង្រ្គាបជនសង្ស័យចំនួន៣នាក់ ជាមុខសញ្ញាជាប់ពាក់ព័ន្ធ ករណីជួញដូរ និងប្រើប្រាស់គ្រឿងញៀន ស្ថិតនៅក្នុងភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែបជ័យ កាលពីវេលាម៉ោង១១និង៣០នាទី ព្រឹកថ្ងៃទី០៣ ខែសីហា ឆ្នាំ២០១៦។

ជនសង្ស័យទាំង៣នាក់ ទី១ ឈ្មោះ តឹក ឌូ ភេទប្រុស អាយុ២៧ឆ្នាំ ជាមេក្លោង ជួញដូរ ក្នុងមូលដ្ឋាន ស្នាក់នៅភូមិសង្កាត់កើតហេតុ មានស្រុកកំណើតភូមិអូរលីវ ឃុំអូរលីវ ស្រុកព្រៃវែង ខេត្តព្រៃវែង។ ទី២ ឈ្មោះ សិទ្ធ រាជ្យ ភេទប្រុស អាយុ២២ឆ្នាំ មុខរបរ កម្មកររោងចក្រ ស្នាក់នៅផ្ទះជួល ភូមិកើតហេតុ មានស្រុកកំណើត ភូមិនាងចាស់ ឃុំពោធិ៍អង្គ្រង ស្រុកបសេដ ខេត្តកំពង់ស្ពឺ ជាអ្នកប្រើប្រាដ់គ្រឿងញៀន។ ទី៣ ឈ្មោះ ជឹម ស្រស់ ភេទប្រុស អាយុ១៩ឆ្នាំ មុខរបរ មិនពិតប្រាកដ មានទីលំនៅ ភូមិត្រពាំងក្រសាំង ខណុឌពោធិ៍សែនជ័យ ជាអ្នកប្រើប្រាស់គ្រឿងញៀន។

សមត្ថកិច្ចបានឲ្យដឹងថា បន្ទាប់ពីមានកិច្ចសហការល្អជាមួយបងប្អូនប្រជាពលរដ្ឋ ហើយបន្ទាប់ពីមានកិច្ចស្រាវជ្រាវ ក្រោមបញ្ជារបស់លោក យឹម សារ៉ាន់ អធិការខណ្ឌពោធិ៍សែនជ័យ បង្ក្រាបទប់ស្កាត់រាល់បទល្មើស កើតមានក្នុងមូលដ្ឋាន ទើបកម្លាំងជំនាញ អធិការដ្ឋាន រួមជាមួយកមកលាំងប៉ុស្តិ៍កន្ទោក ត្រពាំងក្រសាំង តាមចាប់មុខសញ្ញាជួញដូរគ្រឿងញៀន និងប្រើប្រាស់នៅចំណុចខាងលើ បាន៣នាក់ ជាបន្តបន្ទាប់ និងដកហូតថ្នាំញៀន៤១កញ្ចប់ ក្នុងនោះ២កញ្ចប់ធំ។

ក្រោយពីឃាត់ខ្លួនបានជនសង្ស័យទាំង៣នាក់ នាំខ្លួនទៅសាកសួរនៅផ្នែកជំនាញខណ្ឌពោធិ៍សែនជ័យ ដើម្បីកសាងសំណុំរឿងចាត់ការទៅតាមនីតិវិធី៕

https://youtu.be/JTrOnubduJ0