បន្ទាយមានជ័យ៖បែកធ្លាយរឿងអាស្រូវស្អុយបញ្ច្រាស់ខ្សល់មួយ ពីមន្ត្រីសាលាខេត្តថា អង្គភាពប្រឆាំងអំពើពុករលួយដែលមានលោក ឱម យិនទៀង ប្រធាន បានចេញលិខិតព្រមានប្រធានសាខាពន្ធដារនៅខេត្តបន្ទាយមានជ័យជាលើកទី ឲ្យបញ្ឈប់ការលាក់បាំងការមិនចុះបញ្ជីសហគ្រាសដែលធ្វើឡើងក្នុងគោលបំណងទទួលបានផលប្រយោជន៍ដោយខុសច្បាប់ ។ ការព្រមាននេះបានបង្ហាញថាអង្គភាពមួយនេះកំពុងស្ថិតក្នុងអំពើពុករលួយដែលអាចប្រឈមមុខច្បាប់ ។
តាមលិខិតរបស់អង្គភាពប្រឆាំងអំពើពុករលួយ ចុះថ្ងៃទី១៥ ខែធ្នូ ផ្ញើទៅលោក ព្រីម សាលី ប្រធានសាខាពន្ធដារខេត្តបន្ទាយមានជ័យ បានលើកឡើងថា សាខាពន្ធដារក្រុងសិរីសោភ័ណមិនបានចុះបញ្ជីសហគ្រាសមួយចំនួននៅឆ្នាំ ២០១៤នេះ នាំឲ្យបាត់បង់ចំណូលពន្ធ ។
អង្គភាពប្រឆាំងអំពើពុករលួយក៏បានជំរុញឲ្យប្រធានសាខាពន្ធដា រខេត្តបន្ទាយមានជ័យចាត់វិធានការឲ្យមានប្រសិទ្ធិភាព ដោយចុះបញ្ជីសហគ្រាសទាំងអស់ដើម្បីប្រមូលពន្ធឲ្យបានទាន់ពេល និងបញ្ឈប់រាល់ការលាក់បាំងការចុះបញ្ជីសហគ្រាស ដើម្បីទទួលផលប្រយោជន៍ខុសច្បាប់ទៀត។ទាក់ទិនការព្រមាននោះមន្ត្រីពន្ធដារខេត្តបន្ទាយមានជ័យ បានបង្ហើបឲ្យដឹងនៅថ្ងៃទី៣០ ខែធ្នូ ឆ្នាំ ២០១៤នេះថា អំពើពុករលួយក្នុងអង្គភាពមួយនេះបានកើតឡើងធ្ងន់ធ្ងរណាស់ក្នុងរយះពេលចុងក្រោយនេះ ដោយសារតែការអនុវត្តការងាររបស់លោកប្រធានមិនមានប្រក្រតីភាព បក្សពួកនិងអាងខ្នងបង្អែក ។
កន្លងទៅថ្មីៗនេះ គេនៅចាំបានថាលោក ឱម យិនទៀង ប្រធានអង្គភាពប្រឆាំងអំពើរពុករលួយ ក៏ធ្លាប់បានចេញលិខិតព្រមានប្រធានការិយាល័យពន្ធដាក្រុងសិរីសោភ័ណនិងមន្ត្រីពន្ធដា៣នាក់ ផ្សេងទៀតផងដែរ ជុំវិញភាពមិនប្រកតីមួយចំនួនក្នុងអង្គភាពមួយនេះ ពិសេសគឺការប្រមូលពន្ធ យឺតយ៉ាវមិនត្រឹមត្រូវតាមច្បាប់។មន្ត្រីដែលត្រូវអង្គភាពប្រឆាំងអំពើរពុករលួយព្រមានរួមាន ១/ឈ្មោះ ឌឹម វិរោចន៍ ប្រធានស្នាក់ការពន្ធដារសិរីសោភ័ណ ២/លោក តុម ផាន់នី មន្ត្រីទទួល បន្ទុកពន្ធមុខសញ្ញាលេខ១ នៅសង្កាត់កំពង់ស្វាយ, ទី៣. លោក ផេង សុភា មន្ត្រីទទួលបន្ទុក ប្រមូលពន្ធមុខសញ្ញាលេខ២ សង្កាត់ព្រះពន្លា និងទី . លោក ធឹម សុធន មន្ត្រីទទួលបន្ទុក ប្រមូលពន្ធមុខសញ្ញាលេខ៣ នៅសង្កាត់អូរអំបិល-ទឹកថ្លា។
ការព្រមានរបស់អង្គភាពប្រឆាំងអំពើរពុករលួយ មកលើអង្គភាពពន្ធដាសាខាខេត្តបន្ទាយមាន ជ័យនេះ គឺជាសារមួយចែករំលែក ដល់បណ្តាលស្ថាប័ន អង្គភាពពាក់ពន្ធ កម្លាំងប្រដាប់អាវុធ មួយចំនួន ដែលមានភាពអសកម្ម និងអ្នកយកតួនាទីធ្វើស្រែលើខ្នងរាស្ត្រ ត្រូវកែប្រែឥរិយាបថ របស់ខ្លួននិងបញ្ឈប់ជាបន្ទាន់រាល់សកម្មភាពមិនប្រកតីមួយចំនួនដែលធ្លាប់ប្រព្រឹត្តកន្លងមក ប្រយោជន៍គឺដើម្បីរួមគ្នាលប់បំបាត់រាល់អំពើរពុករលួយក្នុងប្រទេសកម្ពុជានាពេលបច្ចុប្បន្ន។
ជុំវិញករណីនេះ អង្គរថែមស៍មិនអាចទំនាក់ទំនងលោក ព្រីម សាលី ប្រធានមន្ទីរពន្ធពន្ធដាខេត្តបន្ទាយមានជ័យ សុំការបំភ្លឺបានទេ តាមទូរសព្ទ័លេខ 012751818 ទាក់ទងមិនបាន។ អង្គភាពសារពត៌មានអង្គរថែមស៍ រង់ចាំការបកស្រាយពីលោក ព្រីម សាលី ដោយក្តីសោមនស្ស ៕
មតិយោបល់