ភាគហ៊ុនរបស់ក្រុមហ៊ុនភេសជ្ជៈយក្ស Coca-Cola បានធ្លាក់ចុះយ៉ាងខ្លាំង ក្នុងរយៈពេល២ឆ្នាំ បន្ទាប់ពីប្រាក់ចំណេញរបស់ក្រុមហ៊ុនមួយនេះធ្លាក់ចុះ ខណៈពេលដែលការលក់នៅសហរដ្ឋអាមេរិក និងអឺរ៉ុបធ្លាក់ចុះ។
ប្រាក់ចំណូលសុទ្ធរបស់ក្រុមហ៊ុន Coca-Cola នៅក្នុងត្រីមាសទី៤ឆ្នាំ ២០១៣ បានធ្លាក់ចុះ ៨,៤ភាគរយ ដោយមានចំនួន ១,៧ពាន់លានដុល្លារអាមេរិក ខុសពីការព្យាករណ៍របស់អ្នកវិភាគ។
ប្រាក់ចំណូលក៏បានធ្លាក់ចុះផងដែរ ដោយសារតែមានការប្រែប្រួលរូបិយប័ណ្ណ និងការលក់ និងការប្រតិបត្តិការ នៅក្នុងប្រទេសប្រេស៊ីល និងហ្វីលីពីនធ្លាក់ចុះ។
ក្រោយពេលប្រកាសពីប្រាក់ចំណូលធ្លាក់ចុះ ភាគហ៊ុនរបស់ក្រុមហ៊ុនមួយនេះក៏បានធ្លាក់ចុះតាមផងដែរ ដោយបានធ្លាក់ចុះ ៤,៣ភាគរយ។
លោក Muhtar Kent នាយកប្រតិបត្តិរបស់ក្រុមហ៊ុន Coca-Cola បានថ្លែងថា ក្រុមហ៊ុនកំពុងតែសម្លឹងរកវិធីស្ដារស្ថានការណ៍ក្រុមហ៊ុនឡើងវិញ នៅក្នុងឆ្នាំនេះ។
លោកបានបន្តទៀតថា ខណៈពេលដែលកំពុងតែដំណើរការស្រួល ស្រាប់តែធ្លាក់ចុះ ហើយការធ្លាក់ចុះនេះ ដោយសារតែបញ្ហាសេដ្ឋកិច្ចពិភពលោកមិនប្រាកដប្រជា៕
មតិយោបល់