ស្វាយរៀងៈ កាលពីវេលាម៉ោង៥ កន្លះល្ងាចថ្ងៃទី២២ ខែមេសា ឆ្នាំ២០២០ ស្ថិតក្នុងភូមិថ្នា ឃុំថ្នាធ្នង់ ស្រុករំដួល ខេត្តស្វាយរៀង មានករណីមនុស្សប្រុសស្រី ២នាក់ បានស្លាប់នៅក្នុងទឹក។

ជនរងគ្រោះឈ្មោះ រស ប៊ិញ ភេទប្រុស អាយុ៣៨ឆ្នាំ មុខរបរកសិករ (ត្រូវជាឪពុក) និងកូនស្រីឈ្មោះ រស់ សុភ័ក អាយុ១៧ឆ្នាំ រស់ក្នុងភូមិឃុំខាងលើ។

មូលហេតុ៖ ជនរងគ្រោះទាំង២នាក់ បាននាំគ្នាទៅឆក់ត្រី នៅតាមព្រែក មិនប្រយ័ត្ន ក៏ត្រូវឧបករណ៍ឆ្លងចរន្តឆក់ស្លាប់ ក្នុងទឹកតែម្ដង។

ក្រោយទទួលបានដំណឹង សមត្ថកិច្ច បានចុះត្រួតពិនិត្យសព សន្និដ្ឋានថា ពិតជាស្លាប់ដោយសារ ឆ្លងចរន្តអគ្គិសនីឆក់ជនរងគ្រោះប្រាកដមែន រួចក៏ប្រគល់សពទៅឲ្យក្រុមគ្រួសារ យកមកធ្វើបុណ្យតាមប្រពៃណី៕