ព្រះសីហនុៈ យោងតាមផេកការិយាល័យផ្សព្វផ្សាយតាមបណ្តាញសង្គម បានឲ្យដឹងថា ថ្ងៃសៅរ៍ ទី៤កើត ខែពិសាខ ឆ្នាំជូត ទោស័ក ព.ស២៥៦៣ ត្រូវនឹងថ្ងៃទី២៥ ខែមេសា ឆ្នាំ២០២០ វេលាម៉ោង១៧ និង៤៥នាទី កម្លាំងការិយាល័យនគរបាលប្រឆាំងគ្រឿងញៀន បានចុះបង្ក្រាបករណីគ្រឿងញៀន ប្រព្រឹត្តនៅចំណុចភូមិថ្មី ផ្លូវរថភ្លើង ស្ថិតនៅក្នុងក្រុមទី១០ ភូមិ៣ សង្កាត់៣ ក្រុង/ខេត្ពព្រះសីហនុ នៅពេលដែលមុខសញ្ញា កំពុងប្រព្រឹត្តបទល្មើសជាក់ស្តែង ត្រូវបានសមត្ថកិច្ចឃាត់ខ្លួនបានចំនួន០២នាក់(ស្រី)។
ជនសង្ស័យទី១.ឈ្មោះ ខុន ភារម្យ ភេទស្រី អាយុ៤៥ឆ្នាំ ជនជាតិខ្មែរ មុខរបរលក់ដូរ មានស្រុកកំណើត ស្រុកបាភ្នំ ខេត្តព្រៃវែង ទីលំនៅបច្ចុប្បន្នភូមិ៣ សង្កាត់៣ ក្រុង/ខេត្តព្រះសីហនុ និងទី២.ឈ្មោះសួន ស្រីនាង ភេទស្រី អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ មានស្រុកកំណើត ខេត្តព្រៃវែង ទីលំនៅបច្ចុប្បន្នភូមិ៣ សង្កាត់៣ ក្រុង/ខេត្តព្រះសីហនុ។
វត្ថុតាងនិងសម្ភារចាប់យករួមមាន៖
-ម្សៅក្រាមសង្ស័យជាសារធាតុញៀន១១កព្ចាប់ (ក្នុងនោះ០២ កញ្ចប់ធំ និង០៩កញ្ចប់តូច) ជញ្ជីងសម្រាប់ថ្លឹងគ្រឿងញៀន០១គ្រឿង
-ទូរស័ព្ទ០២គ្រឿង និងសម្ភារៈសម្រាប់ប្រើប្រាស់ និងវេចខ្ចប់មួយចំនួន៕
មតិយោបល់