កំពង់ធំៈ កាលពីវេលាម៉ោង ១៤ និង០០នាទីថ្ងៃទី២៦ ខែមេសា ឆ្នាំ ២០២០ ស្ថិតក្នុងភូមិគុម្ពោតឈូក ឃុំក្លែង ស្រុកសណ្តាន់ មានករណីក្មេងលង់ទឹកស្លាប់ម្នាក់ ។

ជនរងគ្រោះឈ្មោះ ផាន់ វាសនា ភេទប្រុស អាយុ៧ឆ្នាំ។ មូលហេតុ៖ ចុះរាវខ្ចៅក្នុងទឹកស្ទឹង បណ្តាលឱ្យលង់ស្លាប់។

ក្រោយទទួលបានដំណឹង សមត្ថកិច្ច បានចុះត្រួតពិនិត្យជាក់ស្ដែង ពុំឃើញមានស្លាកស្នាមអ្វីគួរកត់សម្គាល់ រួចក៏ប្រគល់សព ជូនក្រុមគ្រួសារ យកទៅធ្វើបុណ្យតាមប្រពៃណី៕