កណ្ដាលៈ យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា កើតហេតុថ្ងៃទី២៦ ខែមេសា ឆ្នាំ២០២០ វេលាម៉ោង ៥និង៤០នាទី ចំណុចកោះខ្សាច់មាត់ទន្លេមេង្គភូមិលើ ឃុំកោះចូរ៉ាមស្រុកខ្សាច់កណ្តាល ខេត្តកណ្តាល។
ជនរងគ្រោះឈ្មោះ ពៅ ដាលីស ភេទស្រី អាយុ ៨ឆ្នាំ មុខរបរ សិស្ស មានទីលំនៅភូមិលើ ឃុំកោះចូរ៉ាម ស្រុក ខ្សាច់កណ្ដាល ខេត្តកណ្ដាល ។ ឪពុកឈ្មោះ ឃុន ពៅ ភេទ ប្រុស អាយុ ៤១ ឆ្នាំ ជនជាតិ ខ្មែរ មុខរបរ កសិករ មានទីលំនៅភូមិលើឃុំ កោះចូរ៉ាម ស្រុក ខ្សាច់កណ្ដាល ខេត្តកណ្ដាល ។ ម្ដាយឈ្មោះ ឡី នួន ភេទ ស្រី អាយុ ៣៦ ជនជាតិខ្មែរ មុខរបរ លក់ដូរ មានទីលំនៅភូមិលើ ឃុំកោះចូរ៉ាម ស្រុក ខ្សាច់កណ្ដាល ខេត្តកណ្ដាល ។
សភាពរឿងហេតុ៖ នៅថ្ងៃទី២៦ ខែមេសា ឆ្នាំ២០២០ វេលាម៉ោង ៤និង៤០នាទី ឈ្មោះ គាំ សីហាភេទ ប្រុស អាយុ ១៤ឆ្នាំ បានជិះម៉ូតូឌុប ឈ្មោះ ពៅ ដាលីន (ជាបងប្អូនជីដូនមួយនិងគ្នា) ចេញពីផ្ទះទៅលេងនៅចំណុចកោះខ្សាច់ ភូមិលើ ឃុំកោះចូរ៉ាម ស្រុកខ្សាច់កណ្ដាល ខេត្តកណ្ដាល ។ ពេលទៅដល់ឈ្មោះ ពៅ ដាលីស បានបបួលឈ្មោះ គាំ សីហា មុជទឹកទន្លេ បន្ទាប់មកអ្នកទាំងពីរបានដើរចុះទៅមុជទឹកទាំងពីរនាក់។រហូតដល់វេលាម៉ោង ៥និង២០នាទី អ្នកទាំងពីរក៏រអិលជើងធ្លាក់ចូលអន្លង់ទឹកជ្រៅ ពេលនោះអ្នកទាំងពីរក៏លង់ទឹកហើយស្រវេស្រវាឲ្យគេជួយ ឃើញដូចនេះអ្នកទៅលេងទឹកនៅជិតនោះមិនស្គាល់ឈ្មោះបានទៅជួយឈ្មោះ គាំ សីហា ស្រង់មកលើគោក ចំណែកឈ្មោះ ពៅ ដាលីន បានលង់លិចទៅក្នុងទឹកបាត់ជួយមិនទាន់ទេ ។ បន្ទាប់មកឈ្មោះ គាំ សីហា បានជិះម៉ូតូមកផ្ទះប្រាប់ក្រុមគ្រួសារ ហើយអ្នកជិតខាងជាច្រើននាក់បានចុះទៅជួយរាវរកជនរងគ្រោះ ។ ដល់វេលាម៉ោង ៦និង៣០នាទី ថ្ងៃដដែលទើបរកឃើញជនរងគ្រោះហើយក្រុមគ្រួសារ បានយកទៅមន្ទីរពេទ្យ តែជនរងគ្រោះបានស្លាប់ទៅហើយ។ ផ្នែកជំនាញពិនិត្យហេតុស្រុក សហការជាមួយកម្លាំងប៉ុស្តិ៍ គ្រូពេទ្យ ក្រុមប្រឹក្សាឃុំ គ្រួសារសព បានពិនិត្យសាកសពដោយហ្មត់ចត់ ឃើញសាកសពមានសភាពពោះប៉ោង មានទឹកហូរចេញតាមមាត់ ក្រៅពីនេះពុំស្លាកស្នាមអ្វីគួរឲ្យកត់សម្គាល់ទេ ។
ជនរងគ្រោះស្លាប់ដោយលង់ទឹកប្រាកដមែន។ ក្រោយពីពិនិត្យចប់បានប្រគល់សពជូនក្រុមគ្រួសារសព ធ្វើបុណ្យប្រពៃណី៕
មតិយោបល់