បាត់ដំបង: នៅថ្ងៃទី៣០ ខែមេសា ឆ្នាំ២០២០ វេលាម៉ោង ២និង៣៨នាទី អនុវត្តតាមមតិណែនាំរបស់លោក អ៊ុច សុខុន ស្នងការ នៃស្នងការដ្ឋាននគរបាល ខេត្តបាត់ដំបង ក៏ដូចមតិរបស់លោក កុយ ហៀង ស្នងការរងផែនការងារប្រឆាំងគ្រឿង លោកវរសេនីយ៍ឯក គឹម ពន្លក អធិការនគរបាលស្រុកកម្រៀង ដឹកនាំកម្លាំងផ្នែកជំនាញអធិការដ្ឋាន ចុះប្រត្តិបត្តិការបង្រ្កាបករណីរក្សាទុកដឹកជញ្ជូន ឬជួញដូរដោយខុសច្បាប់នូវសារធាតុញៀន ក្នុងបទល្មើសជាក់ស្តែង នៅចំណុចភូមិដូង ឃុំបឹងរាំង ស្រុកកម្រៀង ខេត្តបាត់ដំបង។

ក្នុងករណីនេះសមត្ថកិច្ចនគរបាលឃាត់ខ្លួនជនសង្ស័យចំនួនម្នាក់គឺ៖
១-ឈ្មោះ រិន ដែន ភេទស្រី អាយុ ៣៦ឆ្នាំ រស់នៅភូមិឃុំកើតហេតុខាងលើ។

វត្ថុតាងចាប់យកបានរួមមាន៖
១-ថ្នាំញៀនប្រភេទមេតំហ្វេតាមីន យ៉ាម៉ាគ្រាប់រាងមូលសំប៉ែតពណ៌ក្រហម មានត្រាអក្សរបរទេស WY នៅជាប់ចំហៀងគ្រាប់ថ្នាំនីមួយៗចំ នួន១៤គ្រាប់(ទម្ងន់១,៥៦ក្រាម)
២-ម្សៅក្រាមពណ៌សថ្លាប្រភេទថ្នាំញៀនមេតំ ហ្វេតាមីនម៉ាទឹកកក ICE មានចំនួន ០៣ថង់ (ទម្ងន់២២ ,៧១ក្រាម)ច្រកក្នុងថង់ប្លាស្ទិកកិបមាត់ បិតជិតពណ៌ថ្លាស
៣-ប្រាក់រៀល ចំនួន៣០ម៉ឺនរៀល
៤-ម៉ូតូចំនួន០១គ្រឿងម៉ាក ហុងដាឃ្លីក(HO NG DA CLICK) ស្លាកលេខ បាត់ដំបង 1AI-7952
៥-ទូរស័ព្ទដៃចំនួន០២គ្រឿង។

ក្រោយពេលសាកសួរស្រាវជ្រាវ បច្ចុប្បន្នជនសង្ស័យ និងវត្ថុតាង នគរបាលស្រុកបាន កសាងសំណុំរឿងបញ្ជូនមកការិយាល័យជំនាញ ចាត់ការតាម នីតិវិធីច្បាប់៕