សៀមរាបៈ នៅថ្ងៃទី៦ ខែឧសភា ឆ្នាំ២០២០ រសៀល វេលាម៉ោង ៣និង៣០នាទី មានខ្យល់កន្ត្រាក់លាយឡំនិងភ្លៀងធ្លាក់ បណ្តាលឲ្យខូចខាតផ្ទះបងប្អូនប្រជាពលរដ្ឋនៅឃុំដូនពែង ស្រុកអង្គរជុំ ខេត្តសៀមរាប ដួលផ្ទះចំនួន ៤ខ្នង និងរបើកដំបូលផ្ទះចំនួន ៥៩ខ្នង រន្ទះបាញ់មនុស្សរបួស ០១នាក់ ដើមឈើដួលរលំសង្កត់មនុស្សរបួសស្រាល ០២នាក់ រន្ទះបាញ់គោងាប់ចំនួន ៤ក្បាល និងនៅល្ងាចវេលាម៉ោង ៦និង១៧នាទី នៅស្រុកបាគង ឃុំត្រពាំងធំ ក៏មានខ្យល់កន្ត្រាក់លាយឡំនិងភ្លៀង បណ្តាលឲ្យរបើកដំបូលផ្ទះចំនួន ១០ខ្នង រលំផ្ទះ ០១ខ្នង និងរបួសមនុស្ស ០១នាក់៕