ពោធិ៍សាត់: មានសេចក្តីរាយការណ៍មកថា ខណៈពេលនេះ មានអគ្គិភ័យ កំពុងឆេះតូបនៅក្នុងផ្សារកណ្តៀង ស្ថិតក្នុងភូមិពោធិ ឃុំស្រែស្តុក ស្រុកកណ្តៀង ខេត្តពោធិ៍សាត់ នៅវេលាម៉ោង០៨:២០នាទី យប់ថ្ងៃទី២០ មេសា ២០១៦ នេះ។

ស្នងការនគរបាល ខេត្តពោធិ៍សាត់ សារុន ចាន់ធី បានប្រាប់ Post News មុននេះបន្តិចថា ពេលនេះអគ្គិភ័យកំពុងឆេះតូបលក់ដូរតូចៗ នៅក្បែរផ្សារកណ្តៀង ដោយសមត្ថកិច្ច បាននឹងកំពុងបញ្ជូនរថយន្តពន្លត់អគ្គិភ័យ ដើម្បីចុះធ្វើអន្តរាគមន៍ ទៅកាន់កន្លែងកើតហេតុ រថយន្តពន្លត់អគ្គិភ័យ ដែលចេញពីអគ្គស្នងការដ្ឋានខេត្ត ទៅកាន់កន្លែងកើតហេតុនោះ មានចម្ងាយផ្លូវ ជាង ២០គីឡូម៉ែត្រ ពេលនេះជិតដល់កន្លែងកើតហេតុហើយ៕