សៀមរាបៈ យោងតាមផេកការិយាល័យផ្សព្វផ្សាយ តាមបណ្តាញសង្គម បានឲ្យដឹងថា នៅថ្ងៃពុធ ១៤រោច ខែពិសាខ ឆ្នាំជូតទោស័ក ព.ស. ២៥៦៤ ត្រូវនឹងថ្ងៃទី២០ ខែឧសភា ឆ្នាំ២០២០ នៅវេលាម៉ោង១៥ និង៤០នាទី មានករណីអគ្គិភ័យ ភ្លើងឆេះផ្ទះប្រជាពលរដ្ឋ ស្ថិតនៅភូមិព្រៃឆ្ការ ឃុំពង្រលើ ស្រុកជីក្រែងខេត្តសៀមរាប។

ម្ចាស់ផ្ទះឈ្មោះប៊ុន ប៊ាន(ប្តី) អាយុ៣១ឆ្នាំ ប្រពន្ធឈ្មោះ ណាន ដា អាយុ៣០ឆ្នាំ រស់នៅភូមិឃុំកើតហេតុខាងលើ ។

លោកឧត្តមសេនីយ៍ត្រី ភឹង សម្បត្តិ ស្នងការរងទទួលការិយាល័យនគរបាលបង្ការ ពន្លត់អគ្គិភ័យ និង សង្គ្រោះ បានឲ្យយដឹងថា៖ មានករណីអគ្គិភ័យមួយ កើតឡើងនៅស្រុកជីក្រែង ដោយម្ចាស់ផ្ទះរវល់ទៅចំការ។

ការខូចខាត៖
-ផ្ទះទំហំ ៤ម៉ែត្រ x ៦ម៉ែត្រ ដំបូលប្រក់ស្បូវ ជញ្ជាំងស្លឹក ក្រាលក្តារ
-ខោអាវ និងសម្ភារៈប្រើប្រាស់
-ប្រាក់ចំនួន ៥ម៉ឺនរៀល
-ឯកសាររួមមាន៖ អត្តសញ្ញាណប័ណ្ណ សៀវភៅគ្រួសារ សំបុត្រកំណើត ។

អគ្គិភ័យនេះ បានរលត់ទៅវិញនៅវេលាម៉ោង ១៦ និង៣០នាទី ថ្ងៃខែឆ្នាំដដែល សំណាងល្អ មិនមានគ្រោះថ្នាក់ដល់អាយុជីវិតមនុស្សឡើយ។

ក្នុងហេតុការណ៍នេះ សមត្ថកិច្ចមិនអាចធ្វើការជួយសង្គ្រោះបាន ដោយសារ ផ្លូវតូចចង្អៀត រថយន្តពន្លត់អគ្គិភ័យចូលមិនរួច ហើយពីអធិការដ្ឋាននគរបាលស្រុកជីក្រែង ទៅកន្លែងកើតហេតុមានចម្ងាយប្រមាណ ២៧គីឡូម៉ែត្រ ។

ចំពោះមូលហេតុនៃការឆេះ សមត្ថកិច្ចជំនាញកំពុងស្រាវជ្រាវ ៕