ផ្ទះ ព័ត៌មានជាតិ បុរស​ម្នាក់​ស...

បុរស​ម្នាក់​ស្លាប់​យ៉ាង​អា​ណោ​ច​អ​ធ័​ម ខណៈ​បើក​ម៉ូតូ​ជែង​រថយន្ត​ដួល ត្រូវ​រថយន្ដ​មួយគ្រឿង​ទៀត​បុក​

0

​កណ្ដាល: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរស​ម្នាក់​ស្លាប់បាត់​បង់ជីវិត​យ៉ាង​អ​ណោ​ច​អ​ធ័​ម ខណ:​បើក​ម៉ូតូ​វ៉ា​ជែង​រថយន្ដ​មួយគ្រឿង​នៅខាងមុខ ដោយ​មិន​ប្រយ័ត្ន បណ្ដាល​ឲ្យ​ប៉ះ​ដៃចង្កូត​ដួល ធ្វើ​ឲ្យ​រថយន្ដ​មួយគ្រឿង​ទៀត បើក​ច្រាស់ទិស​គ្នា​ឈប់​មិនទាន់ ក៏បាន​បុក​ជនរងគ្រោះ​តែម្ដង ។ ហេតុការណ៍​នេះ បានកើត​ឡើង កាលពី​វេលា​ម៉ោង​១៥​និង​៣០​នាទី ថ្ងៃទី​២២ ខែឧសភា ឆ្នាំ​២០២០ តាម​បណ្ដោយ​ផ្លូវជាតិ​លេខ​២ ចន្លោះ​គីឡូម៉ែត្រ​២៣.២៤ ស្ថិត​ក្នុងភូមិ​ជ័យជម្នះ ឃុំ​សៀមរាប ស្រុក​កណ្តាលស្ទឹង ។​
​មន្ដ្រីនគរបាល​ចរាច​រណ៍​ស្រុក​កណ្ដាលស្ទឹង​បាន​ឲ្យ​ដឹងថា ជនរងគ្រោះ​ស្លាប់​ពុំទាន់​ស្គាល់​អត្ដ​សញ្ញាណ បើកបរ​ម៉ូតូ​ម៉ាក ហុងដា​ឃ្លី​គ (Click) ធុន​សេ​១២៥ ពណ៌​ស​+​ទឹកក្រូច ពាក់​ស្លាក​លេខ កណ្តាល​1AH-6989 ។ ចំណែក​រថយន្ដ​ម៉ាក​ព្រុស (Prus) ពណ៌​ទឹកមាស ពាក់​ស្លាក​លេខ​ភ្នំពេញ​2AZ-0065 បើកបរ​ដោយ​ជន​មិន​ស្គាល់​អត្ដ​សញ្ញាណ​(​រត់គេចខ្លួន​) ។​
​ប្រភព​ដដែល​បន្ដថា នៅ​មុនពេល​កើតហេតុ សាក្សី​បានឃើញ​ជនរងគ្រោះ​ជា​អ្នកបើក​ម៉ូតូ​ខាងលើ បានធ្វើ​ដំណើរ​តាម​បណ្ដោយ​ផ្លូវជាតិ​លេខ​២ ក្នុងទិសដៅ​ពី​ជើង​ទៅ​ត្បូង លុះ​មក​ជិត​ដល់​កន្លែងកើតហេតុ ជនរងគ្រោះ​បាន​បន្ថែម​ល្បឿន​ម៉ូតូ​វ៉ា​ជែង​រថយន្ដ​មួយគ្រឿង​ទៀត​នៅខាងមុខ តែ​ប៉ះ​ដៃចង្កូត​បាន​ឲ្យ​ជនរងគ្រោះ​ដួល​ខ្ទាតចូល​ទៅក្នុង​ចំណែក​ផ្លូវ​ម្ខាង​ទៀត ធ្វើ​ឲ្យ​រថយន្ដ​ព្រុស ដែល​បើកបរ​ច្រាស់ទិស​គ្នា ឈប់​មិនទាន់​ក៏​កិន​ជនរងគ្រោះ បណ្ដាល​ឲ្យ​ស្លាប់បាត់​បង់ជីវិត​តែម្ដង ។​

​ក្រោយពី​មាន​ហេតុការណ៍​កើតឡើង កម្លាំង​នគរបាល​ចរាចរណ៍​ស្រុក បាន​ចុះ​ធ្វើការ​ពិនិត្យ​វាស់វែង កសាង​សំណុំរឿង​យក​មធ្យោបាយ​ពាក់ព័ន្ធ​ទាំង​២​គ្រឿង មក​អធិការដ្ឋាន​នគរបាល​ស្រុក​ដើម្បី​ចាត់ការ​តាម​នីតិវិធី​ច្បាប់ ។ ចំណែក​សាកសព​ជនរងគ្រោះ សមត្ថកិច្ច​កំពុងធ្វើការ​ស្រាវជ្រាវរ​ក​សាច់ញាតិ​ដើម្បី​ធ្វើបុណ្យ​តាម​ប្រពៃណី ៕

មតិយោបល់