ភ្នំពេញៈ នៅថ្ងៃទី២៦ ខែឧសភា ឆ្នាំ២០២០ វេលាម៉ោង០០និង៣០នាទី រំលងអធ្រាត្រ មានករនីជនសង្ស័យម្នាក់ ប៉ុនប៉ងធ្វើសកម្មភាពលួចម៉ូតូ ត្រូវនគរបាលចុះល្បាតប្រទះឃើញ ពួនស្ទាក់ឃាត់ខ្លួន
នៅចំណុចផ្លូវលំភូមិសន្សំកុសល៤ សង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ ។

ជនសង្ស័យឈ្មោះ អឿន សុភ័ក្រ្ក ភេទប្រុស អាយុ២១ឆ្នាំ ជនជាតិខ្មែរ ទីលំនៅ និង មុខរបរមិនពិតប្រាកដ(ឃាត់ខ្លួន មានផ្ទុកសារធាតុញៀន) ។

វត្ថុតាងចាប់យក៖ ដែកមុខស្រួចរាងសំប៉ែតចំនួន០១ ដើម សោទីបលេខ៨ចំនួន០១ដើម និង ដែកឆាបចំនួន០១ដើម ។

ហេតុការណ៍ កាលពីថ្ងៃទី២៦ ខែឧសភា ឆ្នាំ២០២០ វេលាម៉ោង០០និង៣០នាទី រំលងអធ្រាត្រ កម្លាំងនគរបាលប៉ុស្តិ៍បឹងទំពន់ទី១ បានសហការជាមួយកម្លាំងផ្នែកអន្តរាគមន៍ ចំណុះអធិការដ្ឋាននគរបាលខណ្ឌមានជ័យ ធ្វើការល្បាតពួនស្ទាក់នៅក្នុងមូលដ្ឋាន ពេលទៅដល់ចំណុចកើតហេតុ ស្រាប់តែឃើញជនសង្ស័យ កំពុងដើរតាមផ្លូវម្នាក់ឯង ដោយមានការសង្ស័យ សមត្ថកិច្ចបានឃាត់ត្រួតពិនិត្យឆែកឆេររកឃើញឧបករណ៍ សម្រាប់សម្រាប់កាច់សោកម៉ូតូមួយចំនួន ដែលលាក់ទុកជាប់ខ្លួន ពេលនោះសមត្ថកិច្ចក៏បាននាំខ្លួនជនសង្ស័យ យកទៅសាកសួរនៅស្នាក់ការនគរបាលប៉ុស្តិ៍ស្ទឹងមានជ័យទី២ ។

បច្ចុប្បន្នជនសង្ស័យ ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕