ភ្នំពញ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរសម្នាក់បានចង.កសម្លាប់ខ្លួននឹងបង្កាន់លូទឹកស្អុយមិនដឹងមូលហេតុ ត្រូវបានប្រជាពលរដ្ឋប្រទះឃើញនៅវេលាម៉ោង០៦និង១០នាទីព្រឹក ថ្ងៃទី៣១ ខែឧសភា ឆ្នាំ២០២០ ចំណុចផ្លូវលេខ១៧៣ ភូមិទី៣ សង្កាត់អូឡាំពិក ខណ្ឌ បឹងកេងកង រាជធានីភ្នំពេញ ។
សពមានឈ្មោះ ប៉ែន សុផល អាយុ៦០ឆ្នាំ មុខរបរបើកបររថយន្តសាលាចិនទួនហ្វា មានទីលំនៅបច្ចុប្បន្ន ផ្ទះជួលគ្មានលេខ សង្តាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ស្រុកកំណើត នៅភូមិបុសតូច ឃុំពងទឹក ស្រុករំដួល ខេត្តស្វាយរៀង ។
សេចក្តីរាយការណ៍បានឲ្យដឹងថា នៅវេលាម៉ោងកើតហេតុខាងលើ ប្រជាពលរដ្ឋបានធ្វើដំណើរតាមផ្លូវក៏ប្រទះឃើញសាកសពបុរសខាងលើ រួចទូរស័ព្ទរាយការណ៍ទៅសមត្ថកិច្ចមូលដ្ឋានមកត្រួតពិនិត្យ ។
តាមការពិនិត្យរបស់កម្លាំងការិយាល័យនគរបាលបចេ្ចកទេសរាជធានីភ្នំពេញ និងដោយ មានការបញ្ចាក់ពីលោកវេជ្ជបណិ្ឌត នង សុវណ្ណរដ្ឋ គ្រូពេទ្យកោសល្យវិច័យរាជធានីថា សាកសពខាងលើស្លាប់ដោយចងកធ្វើអត្តឃាត ។
សាកសពត្រូវបានសមត្ថកិច្ចប្រគល់ឲ្យទៅក្រុមគ្រួសារយកទៅធ្វើបុណ្យតាមប្រពៃណី ៕
មតិយោបល់