ផ្ទះ ព័ត៌មានជាតិ ជនសង្ស័យប្រុស...

ជនសង្ស័យប្រុស-ស្រី២នាក់ ត្រូវសមត្ថកិច្ចឃាត់ខ្លួន ពាក់ព័ន្ធករណីរំលោភសេពសន្ថវៈ

0

ភ្នំពេញ: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា បុរស​និង​ស្ត្រី​២​នាក់​ត្រូវបាន​សមត្ថកិច្ច​ឃាត់ខ្លួន ពាក់ព័ន្ធ​នឹង​ករណី​រំលោភ​សេពសន្ថវ: និង​ប្រទូស្ត​កេរ្តិ៍​ភេទ​លើ​ក្មេងប្រុស​២​នាក់ ខណ:​កំពុង​ដើរ​តាមផ្លូវ​សំដៅទៅផ្ទះ ។

​ករណី​ខាងលើនេះ​ជនសង្ស័យ​ប្រព្រឹត្ត​កាលពី​ថ្ងៃទី​២២ ខែឧសភា ឆ្នាំ​២០២០ វេលា​ម៉ោង២០​និង​នាទី ខណ:​ជនរងគ្រោះ​ឈ្មោះ កធ​.​ចថ អាយុ​១៥​ឆ្នាំ និង​ឈ្មោះ ច​.​រតន អាយុ​១៤​ឆ្នាំ ​ដើរ​ពី​ក្រុងតាខ្មៅ​មកដល់​ចំណុច​ស្រះ​ចិញ្ចឹម​ត្រី​នៅ​ផ្លូវលំ ភូមិ​ព្រែក​តា​ឡុង សង្កាត់​ចាក់អង្រែ​ក្រោម ខណ្ឌមានជ័យ ។ ចំណែក​ជនសង្ស័យ​ឈ្មោះ កន រ៉ូ​រិ​ន​ដូ ភេទ​ប្រុស អាយុ​២៣​ឆ្នាំ ជនជាតិខ្មែរ មុខរបរ តុបតែង​រោងការ ស្នាក់នៅ​ភូមិ​ព្រែក​អញ្ចាញ ឃុំ​ព្រែក​ឫស្សី ស្រុក​តាខ្មៅ ខេត្តកណ្តាល និង​ឈ្មោះ ហ៊ុន សុភ័ក្ត្រ ភេទ​ប្រុស អាយុ​៤២​ឆ្នាំ ជនជាតិខ្មែរ មុខរបរ តុបតែង​រោងការ ស្នាក់​នៅផ្ទះ​លេខ A៤៣ ក្រុម​២០ ភូមិ​ព្រែក​តា​ឡុង សង្កាត់​ចាក់អង្រែ​ក្រោម ខណ្ឌមានជ័យ រាជធានី​ភ្នំពេញ ។ អ្នក​ទាំងពីរ​ត្រូវបាន​ឃាត់ខ្លួន​នៅ​ថ្ងៃទី​០២ ខែមិថុនា ឆ្នាំ​២០២០ វេលា​ម៉ោង​១៤​និង​០០​នាទី​ព្រឹក នៅ​ចំណុច​ភូមិ​ព្រែក​តា​ឡុង សង្កាត់​ចាក់អង្រែ​ក្រោម ។​

​បន្ទាប់ពី​ឃាត់ខ្លួន ម្តាយ​ជនរងគ្រោះ​បានដាក់​ពាក្យបណ្តឹង​ដល់​ជនសង្ស័យ​ទាំងពីរ ។ បច្ចុប្បន្ន​ត្រូវបាន​ឃាត់ខ្លួន​នៅ​អធិការដ្ឋាន​នគរបាល​ខណ្ឌមានជ័យ ដើម្បី​ចាត់ការ​តាម​នីតិវិធី ៕

មតិយោបល់