ព័ត៌មានជាតិ

នាយរងប៉ុស្តិ៍ នគរបាលសង្កាត់ទៀនម្នាក់ ជិះម៉ូតូដេញចាប់ចោរ បែរជួបគ្រោះថ្នាក់ចរាចរណ៍ រងរបួសធ្ងន់

ភ្នំពេញ: នៅវេលាម៉ោង ៥ និង១៥នាទីទៀបភ្លឺ ឈានចូលថ្ងៃទី០៨ ខែមិថុនា ឆ្នាំ២០២០ មានករណីគ្រោះថ្នាក់ចរាចរណ៍មួយ បណ្ដាលឲ្យនាយរងប៉ុស្តិ៍ នគរបាលសង្កាត់ទៀនម្នាក់ រងរបួសធ្ងន់។

ដំណើររឿង៖ ដំបូងទ្បើយ គេឃើញជនរងគ្រោះ បានជិះម៉ូតូដេញចាប់មុខសញ្ញាគាស់ផ្ទះ រហូតមកដល់ផ្លូវ៦០ម៉ែត្រ សង្កាត់ព្រែកកំពឹស ខណ្ឌដង្កោ ក៏ជួបគ្រោះថ្នាក់ចរាចរណ៍ ទៅបុករថយន្តដឹកសម្ភារ: (មេនបូជាសព) បណ្ដាលឲ្យរងរបួសធ្ងន់ បែកដៃ និងបែកលើចិញ្ចើមធ្ងន់។ រីឯមុខសញ្ញា បានបន្ថែមល្បឿន រត់គេចខ្លួនបាត់ទៅ។

ក្រោយកើតហេតុ ជនរងគ្រោះ ត្រូវបានបញ្ជូនទៅមន្ទីរពេទ្យរុស្សី ដោយទ្បែកម៉ូតូ និងរថយន្ត សមត្ថកិច្ច ចុះមកវាស់វែងរួច ក៏យកទៅរក្សាទុក នៅអធិការដ្ឋាននគរបាលខណ្ឌដង្កោ៕

មតិយោបល់