កំពង់ស្ពឺៈ កាលពីវេលាម៉ោង២១និង១៨នាទីថ្ងៃទី១២ ខែមិថុនា ឆ្នាំ២០២០ បុរសថ្មើរជើងម្នាក់ ដើរឆ្លងផ្លូវ ត្រូវរថយន្តមិនស្គាល់ម៉ាក១គ្រឿង បុកបណ្តាលឲ្យស្លាប់មួយរំពេច នៅកន្លែងកើតហេតុ លើដងផ្លូវជាតិលេខ៤ ត្រង់ចំណុចភូមិស្រល់ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។

នៅមុនពេលកើតហេតុ មានរថយន្ត១គ្រឿងមិនស្គាល់នូវអត្តសញ្ញាណ ទិសដៅពីកើតទៅលិច ក្នុងល្បឿនលឿន លុះមកដល់ចំណុចកើតហេតុ មានបុរសថ្មើរជើងម្នាក់ដើរឆ្លងផ្លូវ ស្រាប់តែរថយន្ត បុកពេញទំហឹង បណ្ដាលឱ្យស្លាប់មួយរំពេច នៅនឹងកន្លែងកើតហេតុ ។

ក្រោយពីកើតហេតុរួច សមត្ថកិច្ចមូលដ្ឋាន ចុះទៅពិនិត្យសាកសព រួចបានសន្និដ្ឋានថា ជនរងគ្រោះប្រហែលជាមនុស្សវិកលចរិត ដោយគ្មានអ្នកស្គាល់អត្តសញ្ញាណនោះទេ ៕