ភ្នំពេញៈ ការចុះឈ្មោះបោះឆ្នោត នឹងត្រូវចាប់ផ្តើមពីថ្ងៃទី០១កញ្ញា រហូតដល់ថ្ងៃទី២៩ វិច្ឆិកា ឆ្នាំ២០១៦ នៅតាមសាលាឃុំ សាលាសង្កាត់ ដែលបើកធ្វើការជារៀងរាល់ថ្ងៃគិតទាំងថ្ងៃសៅរ៍ និងអាទិត្យ។

នេះបើតាមការបញ្ជាក់ពីលោក ស៊ិន ប៊ុនហុក ប្រធាន គជប កាលពីព្រឹកថ្ងៃទី០៥សីហានេះ នៅក្នុងសន្និសីទសារព័ត៌មានអំពីការចុះឈ្មោះបោះឆ្នោត ។

លោក ស៊ិន ប៊ុនហុក បានមានប្រសាសន៍ថា គ្មានប្រទេសណាដែលមានរបៀបរបបរៀបចំការបោះឆ្នោតដូចគ្នាទេ។ រយៈកាល៥០ឆ្នាំ ខ្ញុំនៅ គជប នេះ ពិតជាបន្ទុកមួយដ៏ធ្ងន់ ប៉ុន្តែ ដើម្បីឲ្យមានសុក្រឹតភាព មិនថា អ្នកណា ឬ គណបក្យប្រឆាំងត្រូវអនុវត្តន៍តាមច្បាប់ដែលមានកន្លងមក។ យើងឃើញហើយថា ជិត៤៨ប្រទេសរបស់គេបានក្រឡាប់ផ្កាប់ចាក់ ព្រោះបដិវត្តន៍ពណ៌ចង់អភិវឌ្ឍ ឬ ការបោះឆ្នោតក៏គ្មានដែរ។ អ្វីដែលធ្វើឲ្យការបោះឆ្នោតមានភាពសុក្រឹតរហូតបច្ចុប្បន្ន ព្រោះតែនយោបាយឈ្នះឈ្នះរបស់សម្តេចតេជោ៕