ភ្នំពេញៈ កាលពីនៅថ្ងៃទី២៦ ខែមិថុនា ឆ្នាំ២០២០ វេលាម៉ោង ២និង០០នាទី ប៉ុស្តិ៍នគរបាលរដ្ឋបាលភ្នំពេញថ្មី ស្រាវជ្រាវឃាត់ខ្លួនជនសង្ស័យបន្ថែម ០១នាក់ ករណីករណីឆក់កាបូបលុយ នៅចំណុតាមផ្លូវ១០១១ ភូមិឧញ្ញ៉ាវាំង សង្កាត់ភ្នំពេញថ្មី ខណ្ឌសែនសុខ កាលពីថ្ងៃទី១៨-០៦-២០២០វេលាម៉ោង០៦ និង៤០នាទី ។

ជនសង្ស័យម្នាក់ឈ្មោះ ថន វិចិត្រ ភេទប្រុស អាយុ ១៦ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះជួល ផ្លូវបេតុង ភូមិអណ្តូង សង្កាត់គោករការ ខណ្ឌព្រែកព្នៅ ឃាត់នៅចណុចមុខផ្សារហេងលី ភូមិបុរីកម្មករ សង្កាត់ទឹកថ្លា ខណ្ឌសែនសុខ (មានសារធាតុញៀន) បានធ្វើសកម្មភាពឆក់កាបូបលុយរបស់ឈ្មោះ ឆាត់ សុភាព ភេទស្រី អាយុ ៥៤ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះ២៤ ផ្លូវ១០១១ ភូមិឧកញ្ញ៉ាវាំង សង្កាត់ ភ្នំពេញថ្មី ខណ្ឌសែនសុខ ។

សម្ភារៈបាត់បង់៖
-កាបូបយួ០១
-ទូរស័ព្ទដៃ០១គ្រឿង
-លុយខ្មែរ១៧០,០០០រៀល ។

បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕