បន្ទាយមានជ័យ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា យុវជន២នាក់បានរងរបួសធ្ងន់ធ្ងរ(បាក់ភ្លៅខាងស្តាំទាំង២នាក់) ខណ:ជិះម៉ូតូឌុបគ្នាជ្រុលប៉ះទង្គិចជាមួយរថយន្តកែច្នៃដឹកដី ។ ករណីគ្រោះថ្នាក់ចរាចរណ៍នេះ បានកើតឡើងនៅលើកំណាត់ផ្លូវជាតិលេខ ៥៦ A នៅចំណុច ផ្លូវបំបែកជាបួន ចូលភូមិរកាគោកខ្វាវ ឃុំ រលួស ស្រុកស្វាយចេក ខេត្តបន្ទាយមានជ័យ ។
ប្រភព័ត៌មានពីនគរបាលជំនាញចរាចរណ៍ស្រុស្វាយចេបានឲ្យដឹងថា ជនរងគ្រោះទាំង០២នាក់ ម្នាក់ឈ្មោះ ធឿន ធិប ភេទប្រុស អាយុ១៦ ឆ្នាំ រស់នៅភូមិ ទ័ពសៀម ឃុំស្លក្រាម ស្រុកស្វាយចេក ខេត្តបន្ទាយមានជ័យ បើកបរម៉ូតូគ្រឿងម៉ាក ហុងដាឌ្រីម ស៊េរី២០១១ ពណ៌ខ្មៅ ពាក់ស្លាកលេខ1E 3829 ប.មានជ័យ ក្នុងទិសដៅពីត្បូងទៅជើង ឌុបឈ្មោះសន ចេន ភេទប្រុស អាយុ១៦ ឆ្នាំ រស់នៅភូមិ ឃុំ ជាមួយគ្នា ។ ពេលបើកទៅដល់ចំណុចកើតហេតុ ផ្លូវបំបែកជាបួន ចូលភូមិរកាគោកខ្វាវ ឃុំរលួស មានរថយន្តកែច្នៃដឹកដី០១គ្រឿងបើកខាងមុខទិសដៅស្របគ្នា បើកបរដោយឈ្មោះ គិម យឿត ភេទប្រុស អាយុ ៣៩ឆ្នាំ រស់នៅ ភូមិរលំជ្រៃ ឃុំភូមិថ្មី ស្រុកថ្មពួក ខេត្តបន្ទាយមានជ័យ បានស៊ីញ៉បត់ឆ្វេង ក៏ត្រូវអ្នកបើកម៉ូតូបុកពេញទំហឹង បណ្តាលឲ្យអ្នកបើកបរម៉ូតូអ្នកបាក់ភ្លៅខាងស្តាំ និងអ្នករួមដំណើរបាក់ភ្លៅខាងស្តាំផងដែរ ត្រូវបាន បញ្ជូនទៅព្យាបាលនៅមន្ទីរពេទ្យបង្អែកមិត្តភាពកម្ពុជា ជប៉ុន នៅស្រុកមង្គលបូរី ។
នគរបាលបានបញ្ជាក់ថា៖ មូលហេតុបង្កឲ្យកើតមានគ្រោះថ្នាក់ រថយន្តស៊ីញ៉ូបត់ឆ្វេងខ្វះការប្រុងប្រយ័ត្ន អ្នកបើម៉ូតូឡើងជែង ក្នុងល្បឿនលឿន ហើយក៏ខ្វះការប្រុងប្រយ័ត្នផងដែរ ។
បច្ចុប្បន្ន វត្ថុតាងទាំង០២គ្រឿងនគរបាលបានយកមករក្សាទុកនៅអធិការដ្ឋាននគរ បាលស្រុកស្វាយចេក បន្ទាប់ពីធ្វើការត្រួនិត្យ និងវាស់វែងរួច ដើម្បីរង់ចាំធ្វើការដោះស្រាយនៅពេលក្រោយ ៕
មតិយោបល់