ភ្នំពេញៈ យុវជនម្នាក់បានស្លាប់និងយុវជនម្នាក់ទៀតរង របួសធ្ងន់ក្រោយជិះម៉ូតូក្នុងល្បឿន
លឿនបានរេចង្កូតជ្រុលទៅបុកដើមឈើពេញទឹហឹងនិងទ្រូងផ្លូវបណ្ដាលឲ្យដួលបោកផ្ទប់
និងថ្នល់ បង្ករការភ្ញាក់ផ្អើលនៅវេលាម៉ោង១និង១៥នាទីយប់រំលងអធ្រាត្រឈាន
ចូលថ្ងៃអាទិត្យ ទី២៨ ខែមិថុនាឆ្នាំ២០២០ នៅតាមបណ្ដោយផ្លូវជាតិលេខ២៧១ ស្ថិតក្នុងសង្កាត់បឹងទំពុនទី១ ខណ្ឌមាន័យ រាជធានីភ្នំពេញ ។

សពជនរងគ្រោះដែលបានស្លាប់មានឈ្មោះវ៉ាន់ វ៉ាន់ផល្លី ភេទប្រុស អាយុ២៣ឆ្នាំ មានស្រុកកំណើតនៅ ភូមិស្រីប្រសើរ ឃុំស្លា ស្រុកសំរោង ខេត្តតាកែវ ។
ចំណែក ម្នាក់ទៀតមិនត្រូវបានស្គាល់អត្តសញ្ញាណនោះទេ ។

តាមប្រភពបានឲ្យដឹងថា នៅមុនពេលកើតហេតុគេបានឃើញយុវជនពីរនាក់ជិះម៉ូតូឌុបគ្នាមួយគ្រឿងម៉ាក ស្មាសវី ពណ៌ខ្មៅ ពាក់ស្លាកលេខ ភ្នំពេញ 1BZ-3617 ធ្វើដំណើរតាមបណ្ដោយផ្លូវ271 ក្នុងទិសដៅពីជើងទៅត្បូង ក្នុងល្បឿនលឿន ខណះមកដលចំណុចកើតហេតុខាងលើ ស្រាប់តែរេចង្កូតជ្រុលទៅបុកនិងដើម្បីឈើ ពេញទំហឹង បណ្ដាលឲ្យដួល បែកក្បាល ស្លាប់ភ្លាមៗ យ៉ាងអណោចអធម៍ ។ ចំណែកម្នាក់ទៀតរងរបួសធ្ងន់ ត្រូវបានបញ្ជូនទៅមន្ទីពេទ្យភ្លាមៗ ។

ក្រោយពេលកើតហេតុ សមត្ថកិច្ចជំនាញបានធ្វើការវាស់វែង យកម៉ូតូជនរងគ្រោះទៅរក្សាទុកនៅអធិការដ្ឋានគរបាលខណ្ឌមានជ័យបណ្ដោះអាសន្ន រងចាំប្រគល់ជូនសាច់ញាតិវិញ។ ដោយឡែកសពជនរងគ្រោះសមត្ថកិច្ចធ្វើកំណត់ហេតុ រួចយកទៅតំកល់នៅវត្តទឹកថ្លា រងចាំប្រគល់ជូនសាច់ញាតិយកទៅធ្វើបុណ្យតាមប្រពៃណី៕