បាត់ដំបងៈ យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរសម្នាក់បានស្លាប់ភ្លាមៗនៅកន្លែងកើតហេតុ ខណៈកំពុងផ្សារដែកសង់រោងលក់ទំនិញលើកដែកប៉ះនឹងខ្សែភ្លើងនៅខាងលើ បណ្តាលឲ្យឆ្លងចរន្តឆក់តែម្តង ។
ករណីនេះកើតឡើង👉នៅថ្ងៃទី០៧ ខែកក្កដា ឆ្នាំ២០២០ វេលាម៉ោង ៩និង១០នាទីព្រឹក ស្ថិតនៅក្នុងចំណុចក្រុមទី៧ ភូមិសាលាបាឡាត់ សង្កាត់អូរម៉ាល់ ក្រុងបាត់ដំបង ខេត្តបាត់ដំបង ជនរងគ្រោះមានឈ្មោះ វ៉ន មករា ភេទប្រុស អាយុ៣១ឆ្នាំ មានទីលំនៅនៅភូមិរំចេក១ សង្កាត់រតនៈ ក្រុងបាត់ដំបង ខេត្តបាត់ដំបង មុខរបរ ជាជាងសំណង់។
មុនពេលកើតហេតុ ជនរងគ្រោះស៊ីឈ្នួលសង់រោងលក់ទំនិញឲ្យឈ្មោះ វី រ៉ា ភេទស្រី អាយុ៣៧ឆ្នាំ នៅក្រុមទី១៤ ភូមិអូរចារ សង្កាត់អូរចារ ក្រុងបាត់ដំបង ពេលកំពុងផ្សារដែកនៅលើដំបូល បានលើកដែកទៅប៉ះនឹងខ្សែកាប្លិ៍អគ្គិសនី ក៏បណ្តាលឲ្យឆ្លងចរន្តឆក់ធ្លាក់ចុះមកដី ហើយក្រុមជាងនាំគ្នាដឹកយកទៅសង្គ្រោះនៅមន្ទីរពេទ្យ តែជនរងគ្រោះបានស្លាប់មុនពេលបញ្ជូនមកដល់មន្ទីរពេទ្យ ៕
មតិយោបល់